Sa unang higayon, nagpahigayon ang Startup Weekend Cebu og Women edition karong 2018 diin mga ang payter nga Cebuana ang bida!
Gipahigayon sa Inspire Team, Mabuhay Tower sa Cebu IT Park, ang Startup Weekend Cebu Women Edition 2018 giapilan sa nagkalain-laing mga babaye (ug pipila ka lalaki) sa Cebu nga mituyo og tambong sa tulo ka adlaw nga kalihokan.
Sulod sa tulo ka adlaw, ang mga ming-apil nangita og nagkalain-laing ideya nga sagad mga problema sa katilingban nga mamahimong kapangitaan og solusyon. Dayon, nangita sila og mga solusyon ug kon kon kinahanglan, kay wala na gyoy solusyon nga kaya sa kasamtangang kahimtang, mangita og laing ideya.
Ang co-organizer sa Startup Weekend Cebu Women Edition 2018 mao ang Google Business Group (GBG) Cebu diin ilang gi-launch ang Womenwill initiative sa kababayen-an.
Mga Mananaog sa Startup Weekend Cebu Women
Ug ania ang mga gamhanan nga pundok nga nahimong mananaog sa miaging Startup Weekend Cebu Women Edition 2018 nga mipabelib sa payter nga judges nga silang Ms. Bessie Sagario, Sir Frederick Amores, ug Ms. Tina Amper:
Unang Ganti – Hire Heroes PH
Ang Hire Heroes PH usa ka app nga daw Uber, apan alang sa mga house helpers (katabang) dinhi sa Pilipinas.
(Gikan sa wala paingon sa tuo: Ms. Laurice Chiongbian- Mentor, Ms. Bessie Sagario- Judge, Abigael Rose Diez, Clint James Estal, Tatiana Liz Perez, Gama Rae Comaingking, Daphny Palaña, Katrina Balmaceda, Gee Quidet- Lead Organizer, Sir Frederick Amores- Judge, Ms. Tina Amper- Judge)
Ikaduhang Ganti – Baby à La Carte
Ang Baby à La Carte usa ka app alang sa mga Pilipina nga nangita og paagi nga magkaanak pinaagi sa sperm donors ug egg freezing facility dinhi sa nasod.
(Gikan sa wala paingon sa tuo: Ms. Laurice Chiongbian- Mentor, Ms. Bessie Sagario- Judge, Wenzel Jay Tubalde, Zyra Mae Manto, Lora Marie Mansing, Alili Mae Ann Rivera, Sir Frederick Amores- Judge, Gee Quidet- Lead Organizer, Ms. Tina Amper- Judge)
Ikatulong Ganti ug Best Pitch – Philippine Medical Hub
Ang Philippine Medical Hub usa ka app alang sa mga Pilipino nga nangita og medical professionals nga naa sa ilang duol kon ugaling kinahanglanon.
(Gikan sa wala paingon sa tuo: Ms. Laurice Chiongbian- Mentor, Ms. Tina Amper- Judge, Ms. Bessie Sagario- Judge, Kristen Marie Leopoldo, Hazel Alfar, Marie Cherlyn Gabrillo, Gee- Lead Organizer, Sir Frederick Amores- Judge)
Most Creative and Energetic Pitch – BanYo!
Ang BanYo! usa ka mobile app nga alang sa mga tawo nga maabtan og emergency kon naa sa CR nga mangita og paagi aron ma-contact ang building administrators ug otoridad kon kinahanglan og tabang.
(Gikan sa wala paingon sa tuo: Sir Frederick Amores- Judge, Cleo Credo, Renee Campanilla, Irene Hontanosas, Amber Uy, Gee Quidet- Lead Organizer)
Sa tinuoray lang, makatabang gyod ni sa katawhan ang inyong mga ideya. Padayon sa pagmugna og mga solusyon sa problema sa katilingban karon, mga Cebuana!
