Nakasuway na mo og adto sa ka lugar nga daghan kaayong libreng pagkaon? Mao na ang nahitabo niadtong nangadto mi sa Spread: A Food Carnival sa SM Seaside City kaniadtong Nobiyembre 26, 2016.
Usa kini ka higayon diin ang mga restaurants ug food shop sa tibuok mall magkatapok aron mopatilaw sa ilang mga pagkaon ngadto sa publiko. Naay uban nila namaligya usab sa ilang tinda.
Maglaway kang magtan-aw sa mga pagkaon. Unsa na lang gyod kaha kon suwayan na nimog tilaw ang mga pagkaon? Niadtong panahona, ang mga pagkaon naa sa na sa atubangan naghuwat na lang nga tilawan sa dila ug tunlon sa matag mingtambong.
Ang usa sa akong mga paborito mao kining Tuna Taco sa Seaside Saloon by The Social. Bag-o lang kong nahilig aning taco ug kining ilang Tuna Taco mao unang higayon nga nakasuway kog tuna nga taco. In all fairness, lami! Maayo lang unta kon dunay sauce sa sunod.
Ingon ani ang among mga lamisa atol sa event. Daghang pagkaon sa among atubangan ug kami na ang bahala unsay among kan-on. Di ka malain ana? Kinsay gustong mangutana nganong tambok ko?
Oh, di ba? Laing picture na sad para sa Instagram? Lahi ra gyod ning mga food blogger ron da.
Daghang mga pagkaonan ang ni-participate ug pipila niini mao ang Pink Heaven, Paolito’s, Cabalen, Zawdi Coffee, Butterbean, Snowvinz, Soi (Eat Thai, Love Thai), Hukad, The Pitstop, Seaside Saloon by The Social, ug Red Bucks. Hangtod sa sunod Seaside Spread, mga higala!
Unya karon, ingna kon wala ka gigutom nag-imagine aning lain-laing klase sa mga potahe? Kon mao, pwede gyod baya ni nimo suwayan ang mg apagkaon nga akong gihisgotan dinhi.
Bisan asa man sigurong mall duna gyod nay daghang pagkaon. Dali ra baya tang gutomon unya imagine how food preserves memory. Pila ka happy moments nga associated nimo sa pagkaon? Pila sad ka mga restaurant ang dili na nimo balikan kay didto mo nagbuwag sa imong ex nga wala pa ka ka-move on? Mao na siya ang gahom sa pagkaon.
Bitaw, duna koy pangutana, higala: unsa ang imong paboritong pagkaon?
Halahhhh ganahan ko sa Taco. Adto najud kog The Social sa Seaside very soon. Kalami sa food. Wa ko ka attend kay ambot asa ko ana na time. Hahaha. Glad you enjoyed though. Sa spread 3.0 nalang guro ko kung naa pa man gani lol.
Nalingaw ko’g basa. Haha. LR ra jd mga food bloggers ron. Anyway, akong paboritong pagkaon kay champorado, sinigang, ug Bicol Express ni Mama. Hahaha
Ahak oy, bag-o pa gani kong pamahaw, gutom nsad pagbasa nako ani. Ganhan ko mu-try sa taco. Looks mouth watering!
Samoka aning linyaha oi “Pila sad ka mga restaurant ang dili na nimo balikan kay didto mo nagbuwag sa imong ex nga wala pa ka ka-move on?” hahaaha.. pero tinood ni sa uban.. ako basta lami bahalag adto mi nagbuwag.. ahaha… true love exist man para sa akoa.. hahaha
Ang paborito nakong pagkaong Subgo-an mo kini: Lechon, Utan Bisaya, Dugo-Dugo, Ngohiong, Ginabot, Inun-unan ur Pochero.
Nalipay gyud ko na ang SM Seaside mudalit ug ingon-ani sa ilang mga suki!
Nindut jud ni nga concept para mapakita jud sa mga taw ang mga lain-laing pagkaon nga ilang makit-an didto sa SM Seaside. Nindut unta if libre jud tanan pagkaon para makasuway jud ang mga taw nga nag laag laag ra. 🙂
Nalingaw pod ko sa ilang mga pagkaon ato oy. Akong paborito kay katong Tuna Taco gikan sa The Seaside Saloon. Ug para matubag imong pangutana…daghan kog paborito, kay wa koy pili. Mao ra na. Hahaha.
Wow, ganahan kong mo try ug kaon aning ilang mga pagkaon da. Pili-an kog pagkaon pero usahay, mogawas gyud ang ka kuryuso na motilaw ug dili familiar na pagkaon. I mean, food na dili kaayo nako usual ginakaon… sagdi lang.. soon!
Wala lang ko naglaway samtang gabasa, gigutom pud ko samot na wala ko naka breakfast pa. I should experience this next time if given a chance.