Kon Kapoyon Na Ka, Pahuway Lang, Bisaya

Sa tinuoray lang, kapoyon sad bitaw ta. Kanang napul-an ta sa atong gibuhat ba o tingali wala na tay hinungdan nganong mopadayon niining atong panaw, mga Bisaya.

Sa inyong nahibaw-an, aduna koy giapilan nga challenge diin magsuwat mi og usa ka blog matag semana sa tibuok tuig. Kini ang Cebu Weekly Content Challenge 2018.

Karong semanaha, wala koy buot suwaton. Ug imbes nga maghunahuna unsay angay suwaton, nakadesisyon ko nga maghatag na lang og mubong tambag niadtong mga gipangkapoy sa ilang gibuhat karon:

Higala, kon gikapoy na ka sa bisan unsa pa man nimong gibuhat karon, ang labing maayong tambag mao ang pagpahuway kadiyot. Dili ko makatino kon unsay gidugayon sa imong pagpahuway apan kinahanglang nimong mohunong kon dili na gyod kaya.

Ug kon ugaling wala sa imong opsyon ang pagpahuway, hala, padayon lang, higala. Bira lang gyod kon maantos pa. Hinumdomi nga usahay ang mas kusgan ta kaysa atong nahibaw-an.

Sa pila na ka tuig nakong pagpadayon niining kinabuhi, nakahunahuna ko nga tingali ang pagpangitag inspirasyon ang labing nindot nga paagi aron mopadayon sa kinabuhi. Dili kinahanglan tawo ang imong inspirasyon, higala. Mamahimo nga ang ambisyon mao ang inyong gunitan isip inspirasyon.

Ug kon mopahuway ka, wala dinha natapos ang tanan. Walay masulbad nga suliran kon mopahuway sa pagpakigbisog apan mamahimo ra baya tang mopadayon kon mas kusgan na kita.

 

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

Leave a Reply

Your email address will not be published. Required fields are marked *