Nangita og lista sa mga kanta nga gi-launch karong 2018, Bisaya?
Aron dili na mo matagbaw og pangita, atong gi-compile dinhi sa Basta Bisaya ang nagkalain-laing payter nga mga kanta nga officially gi-launch ang ilang lyric video o dili ba music video karong 2018.
Kon duna moy nahibaw-an nga awit nga wala maapil dinhi, sultihi lamang mi aron atong ma-update kining listahan, mga Bisaya.
List of New Bisaya Songs 2018
Mao kini ang bag-ong mga Binisayang kanta nga gi-launch karong 2018, mga higalang Bisaya:
Away Way Buwagay, Winset Jacot ug Medyo Maldito (Philpop)
Sa unang higayon, adunay mga Binisaya nga kanta nga nakasulod sa Top 30 sa Philpop, usa ka kompetisyon nga gipasiugdahan sa kaulohan. Ang mensahe sa tibuok kanta nga “Away Way Buwagay” anaa ra mismo sa titulo sa kanta. Dasig lang, mga Bisaya!
Baga Ka’g Face, Malaya Macaraeg
Si Malaya Macaraeg ang usa sa mga labing sikat nga Bisaya social media icons karong 2018. Ang iyang kantang “Baga Ka’g Face” gi-produce usab sa Kadasig ug ni Jude Gitamondoc. Sinuwat ni Sherwin Fugoso ug Mara Monton. Alang sa mga feeling gwapo nga mga lalaki nga nangolekta og uyab. Hala ka diha!
Di Ko Man, Ferdinand Aragon (Philpop)
Ang kantang “Di Ko Man” ni Ferdinand Aragon usa ka harana sa lalaki nga bisan walay daghang salapi ug dungog apan tim-os nga nahigugma sa usa ka babaye nga andam siya ihatag kon unsa may anaa niya aron makab-ot ang iyang gipangandoyng paghigugma.
Dvoeña, Pao Lofranco and Mitch Atacador
Kon sa miaging tuig dunay Cebuana ug Ilongga, karong tuiga dunay Dvoeña. Kini ang dagway sa mga Pilipina sa mga mata sa nagkalain-laing musikero sa atong nasod. Unsay masulti ninyo niining mga kantaha, mga Bisaya?
Hoy Crush, Mampor and Me
Bag-ong pundok nga may bag-ong Binisayang awit nga choi kaayo sa dunggan. Ikaw, duna ba kay crush diha? Basin maka-relate ka aning kantaha!
In Love Ra Kutob, Kurt Fick
Sa pag-abot sa Valentine’s Day karong 2018, gipagawas ang official music video sa kantang “In Love Ra Kutob” nga apil sa “Hahahasula-serye” kun mga Bisaya love songs nga nagsugod sa payter kaayo nga Hahahahasula ni Kurt Fick. Alang sa mga nahigugma nga wala wala bawsi ang ilang paghigugma.
Kalipay, Winset Jacot
Bag-ong awit nga gi-produce sa Viva Records, ang Kalipay upbeat ug happy nga kanta ni Winset Jacot. Sa iyang mga nag-unang kanta sa Vispop, mabantayan nga medyo guol ang “Siya Ra Tawn ang Nahigugma” ug “Gugma Pa More.”
Libo-libo, Vincent Eco (Kanta Kasingkasing)
Sa kantang “Libo-libo” ni Vincent Eco nga sinuwat ni Ferdinard Aragon, mabati nimo ang usa ka matang sa gugma nga andam buhaton ang tanan aron lamang makauban ang iyang minahal sa kinabuhi. Kini usab ang “Jury’s Choice Award” sa indigay sa Kanta Kasingkasing.
Mangamatay Ra Tang Tanan, Meunnie and Winset Jacot, Ricky Magallanes
Maka-LSS ning kantaha, bai! Payter kaayo ang pagka-blend sa mga Bisaya nga linya ug English lines. Nindot ning i-play samtang nag-party da. Unsay inyong tan-aw, mga Bisaya?
O, Raphiel Shannon (Kanta Kasingkasing)
Sa unang tuig sa Kanta Kasingkasing, ang “O” ni Raphiel Shannon nga sinuwat ni Jerika Teodorico mao ang nakadaog sa “People’s Choice Award.” Kining kantaha bahin sa usa ka tawo nga nahigugma nga nahadlok masakit og usab.
mYstakes, Midnasty
Ang Midnasty nailhan tungod sa ilang kantang “Ilongga” karon may bag-o na usab nga awit alang sa mga Bisaya. Ang ilang tirada alang sa mga og chill nga Binisayang kanta nga mamahimong sumsoman samtang nag-party o di ba kaha nagtagay. Bugnaw sa dunggan, dali rang hinumdoman.
Paglaum, Kurt Fick (Kanta Kasingkasing)
Ang kantang “Paglaum” ni Kurt Fick nga sinuwat ni Irving Guazon ug musika ni John Cadeliña puno sa paglaom, base sa titulo sa awit. Inig human og paminaw, tingali makat-on ka sa pagpasaylo. Unsay tan-aw ninyo aning kanta, mga Bisaya?
Taytayan, Jewel Villaflores
Ang “Taytayan” sinuwat ni Jewel Villaflores ug gi-produce sa ArtistKo. Usa ka Bisaya romantic song nga naggamit sa taytayan isip metapora. Ang music video gi-shoot didto sa Bojo River, Aloguinsan, Sugbo.
Uban Tang Duha, Mampor & Me
Ang “Uban Tang Duha” usa ka kanta nga perfect alang mga hilig mag-roadtrip. Romantic Bisaya song nga payter sa dunggan. Unang kanta nga gi-release sa Kadasig karong 2018. Sinuwat ni Paolo Olvido, gi-arrange ni Jad Bantug, ug gi-performed sa Bethany frontman nga si Luis Quibranza III.
Uli Na Diri, Jacky Chang (Kanta Kasingkasing)
Kon duna kay nabiyaan nga naghuwat sa imong pag-abot, ang kantang “Uli Na Diri” ni Jacky Chang nga sinuwat ni Sherwin Fugoso tingali makadasig nimo nga mobalik na sa iyang kiliran.
Unang Adlaw nga Wala Ka, Therese Villarante (Philpop)
Usa ka masalub-on nga kantang Binisaya, ang “Unang Adlaw nga Wala Ka” ni Therese Villarante mao na tingali ang usa sa mga labing dulot nga kanta karong tuiga. Kahinumdom pa ka sa unang higayon sa imong minahal sa kinabuhi nga mitaliwan na? Mao kini ang unod niining maong awit, mga Bisaya.
Unta Single Na Ka, Zach & Zeph Buenavista (Kanta Kasingkasing)
Ang “Unta Single Na Ka” nilang Zach & Zeph Buenavista nga taga-Dumaguete sinuwat ni Raffy Cabristante nga katagilungsod usab nila. Kuyaw lang ning kantaha kay naay uyab ang gikaibgan ug gusto siya nga buhian na tong walay kwenta nga uyab aron siya na ang ipuli. Hala ka diha!
Way Blema, Wonggoys
Unang Binisayang kanta sa Wonggoys. Sinuwat ni Therese Villarante ug Jude Gitamondoc. Mugna sa 22 Tango Records ug ang music video gi-direct ni Kurt Fick ug produced sa Fat Boys Productions. Usa ka chill ka Bisayang kanta alang mga Bisaya nga chill.
Unsay paborito niining mga bag-ong kanta, mga Bisaya?
