Bai, duna koy isulti nimo. Ayaw kasuko ha. Sukad bitaw niadtong unang higayon nga nakakita ko nimo, nagduha-duha na man ko sa akong kaugalingon. Lain kaayo sa akong buot, bai. Ang akong tiyan magtuyok pirme nga daw wala ko kahibawo naunsa. Bai… I’m Drunk, I Love You.

Pero atik ra.

 

Kaila kang Paulo Avelino?

Siya gani tong gwapo nga nagdala sa papel ni Gregorio del Pilar sa Heneral Luna. Siya sad tong bida sa daghang salida nga imong siyagitan sauna? Naa baya koy selfie niya dihang nianhi siya og Sugbo. In all fairness, gwapo siya sa personal. Mao na kuno to ang presscon nga labing sabaan nga version sa iyang kaugalingon.

 

Kang Maja Salvador, kaila ka?

Naa ni siya sa Nginiig nga salida isip host ug miarte sad ni siya sa sine nga First Day High. High school pa ko adto ug in all fairness, mas gwapa na si Maja ron kompara sauna. Naa sad koy selfie sa Dance Princess. Lingaw kaayo siya sa iyang presscon kay tabian kaayo bayhana. Sige ra mig katawa. Of course, naa sad koy selfie niya.

 

I’m Drunk, I Love You karong Valentine’s

Karong Pebrero 15 (sweldo na siya, liwas sa Valentine’s Day), showing na ni sa tibuok Pilipinas! Ang I’m Drunk, I Love You usa ka sugilanon sa gugma ngadto sa imong suod nga higala. Nadungog na sauna apan mayta dunay bag-o tang makit-an inig human og tan-aw ani.

Ako nang giingnan akong kaugalingon nga motan-aw ko ani. Si Paulo ug Maja dunay chemistry ug kini ang akong favorite subject pag-high school. Dili ko ganahan sa Physics kay labad sa ulo. Sa kadaghang sugilanon sa gugma nga iasoy dinha sa salida, mayta may bag-o kong mahibaw-an dinhi ug motulo akong luha (bisan gamay lang).

Si Carson (Maja) ug Dio (Paulo) bestfriends nga nag-journey paingon sa La Union kauban ilang mga higala aron klarohon unsa gyod sila sa usag-usa. Witty ang trailer, ganahan ko. Motan-aw gyod ko sa salida ug balitaan ta mo kon ganahan ba ko o dili. Hinawayon ko sa dili nako ganahan apan kon lami lagi ang sugilanon, payter kaayo na!

Kahibawo ka unsay mas nakanindot pa aning salidaha? Ang music. Ang soundtrack. OPM. Lami kaayo sa dunggan. Mora diay nig La La Land pero tan-awn nato lagi. Atangan ta ning salidaha.

Bitaw, nakakita na mo sa Lloydie nga music video nga ilang gihimo para aning salidaha? Tan-awa, mga bai:

 

BONUS: Naay short film usa ang salida nga baleg 20 ka minutos nga mosumpay sa “Heneral Luna” ug ang umaabot nga “Gregorio del Pilar” sunod tuig diin si Paulo Avelino usab ang bida.

 

PS
Bitaw, seryoso ko, bai. I’m not drunk na. I still love you. Love me too, okay? Bisan og friends lang god ta.