Sa dihang mipahigayon ang Sun Life Philippines og usa ka financial forum dinhi sa Sugbo, ilang gipangutana ming mga nanambong kon nakasabot ba mi sa unsay mahitabo sa among ugma. Sama sa uban pang financial discussion, dinhi gihisgotan ang gamit sa insurance aron masegurado ang mga dili matag-an nga panghitabo sa kinabuhi.
Ug kitang mga nakahibawo unsaon pagsalbar sa atong mga igsoong Bisaya gikan sa kaparotan ugma puhon angay nga mopaambit sa atong kahibawo. Mamahimo kitang mga superhero nga motambag nila unsaon pagkab-ot sa atong mga damgo.
Sakto man sad: kon magtigom lang gyod ta sa bangko, hinay kaayo ang lihok sa kwarta. Mora ra ganig wala kay naa pay deduction nga tax. Kon sa pagbata giingnan nga magtigom sa alkansiya, unya sa bangko, apan karon nakat-on na ta nga tabla rag alkanse ta sa atong kwarta kon ibutang nato ni sa bangko.
Financial Literacy sa Nasod
Dakong problema ang financial illiteracy sa nasod. Gamay pa lamang ang nakasabot giunsa paglihok sa kwarta. Ug kon walay saktong kahibawo bahin sa paglihok sa kwarta, unsaon na lang ang mga damgo? Unsaon na lang kon dunay mahitabo nga wala sa plano? Asa kaha kutob ang tinigom kon ugaling masakit?
Mga Bisaya, daghang nanghitabo sa kinabuhi nato nga wala nato damha. Pananglitan, duna tay trabaho karon ug wala tay problema kay igo lang sa pang-adlaw-adlaw ang sweldo. Apan unsa kahay mahitabo kon masakit? Wala nay sweldo ug posibleng mahurot pa ang tinigom sa gasto sa hospital.
Usa lamang na sa daghang mamahimong mahitabo sa kinabuhi nga wala sa plano.
Pagbaton og Insurance
Ang pagbaton og insurance usa sa mga paagi aron andam na kita sa atong ugma. Dili kinahanglan mahal ang insurance. Bisan P10,000 lang ang matag tuig mamahimo na kining maghatag og igong kwarta sa umaabot kon ugaling magkinaunsa.
Ang buhaton sa mga financial advisers mao ang pagsabwag sa maayong balita bahin sa insurance ug mga pwede natong buhaton aron dili ta mapobre sa umaabot bisan mga pobre ta karon. Ug kon ikaw may igong kahibawo bahin sa paglihok sa kwarta, tabangan nato ang atong mga igsoong Bisaya.
Ug kon kitang mga Bisaya kahibawo na niining mga butanga bahin sa kwarta nga wala gitudlo sa eskuylahan ug tingali wala kasabot ang atong mga pamilya ug silingan, nganong dili man nato ni isulti nila? Mamahimo nato kini kon kita mamahimong financial advisors.
Isip Usa ka Financial Advisor
Ang Sun Life Philippines, uban sa nagkalain-laing mga insurance company dinhi sa atong nasod, nag-awhag sa mga Bisaya nga motabang pagsangyaw sa financial literacy ngadto sa atong mga igsoong Bisaya. Bisan unsa pa man nga insurance nga imong buot kuhaon, wala nay problema. Ang importante, dili ta mapurdoy ug dili mahurot ang atong tinigom kon ugaling dunay mahitabo sa umaabot.
Kon andam kang mamahimong financial advisor sa Sun Life, duol sa imong kaubang financial advisor. Kon wala kay kaila, ingna lamang ko aron tabangan tika. May exam lang ka nga pasaron ug pwede na nimong sugdan ang pagsabwag sa maayong balita.
