Tingali nakadungog na ka sa usa sa labing sikat nga barbecue-han dinhi sa Sugbo, ang Larsian. Ug kon nakasuway na kag kaon dinhi, nanghinaot lang ko nga wala ka makasuway og horror story dinhing lugara.
Kay duol sa Fuente Osmena Circle, nahimong usa ka tourist destination ang Larsian. Daghan kaayong tindahan og barbecue dinhi sa sulod. Naglinya ang mga tindahan ug kon mosulod gani ka, ilogan ka nilang tanan.
Horror Story sa Larsian
Ug kon makapili na kag kan-anan, nga usually tungod kay napul-an na kag pili, dinhi na magsugod ang sagad sa mga horror story nga akong nadunggan gikan sa akong mga higala. Dunay multo sa Larsian Cebu.
Mahadlok ka aning multoha kay lisod likayan labi na kon dili ka Bisaya. Kon mahibaw-an gani nila nga turista ka, especially kaning mga foreigner, sila ang nahimong biktima sa ilang hadlok nga mga kabuang.
Unang horror story: kahibawo sila mo-magic sa imong mga gipiling barbecue. Di ba usually ana magpili man gyod ta og barbecue nga buot natong ipaluto? Kon wala na gani imong mata magtan-aw sa ilang gibuhat kay nalingaw na ka og hinabi sa imong mga kauban sa pagkaon, lipat-lipaton nila og ilis ang ubang barbecue sa kadtong barbecue nga ilang gusto. Tungod kay ilisan ra man nila og samang barbecue, lisod ra bantayan. Apan kon imong mahibaw-an nga ang ilang giilis daan na, aw, good luck na lang sa imong tiyan.
Ikaduhang horror story: kon kapuyan sila aning pag-magic sa imong mga gipiling barbecue, mas maayo pa nga sagolon na lang ang bag-o ug ang mga unod sa nanglabayng mga adlaw nga wala mahalin. Swerte na gani kon duna gyoy bag-o. Kon maka-jackpot na sad ka ani, good luck sa mga bitok sa imong tiyan nga magrebolusyon.
Ikatulong horror story: kon dili ka kahibawo mokwenta sa imong nagasto ug bayad na lang ka dayon, for sure, mas dako imong nabayad kaysa sa imong gikaon. Maka-imagine na ka ani nganong malipay kaayo sila kon dunay foreigner nga mokaon dinhi. Apan, kon duna gani Bisaya, hala, usahay makonsensiya man ni sila, uy!
Dunay Tarong, Dunay Binuang
Sa mga tindahan dinhi, dili tanan nagbuhat niining kabuang. Lisod lang gyod hibaw-an asa nila ang tarong labi na sa panahon nga gigutom na ka ug wala ka kahibawo asa ang tarong. Mas nindot tingali nga dili na lang dinhi mokaon, no?
Apan ang pangutana, duna pa bay mabuhat ang Larsian Cebu aron matarong og balik ang ilang serbisyo? Sa akong tan-aw, duna gyod. Basaha kining akong gisuwat bahin niini.
Ang pangutana na lang gyod: andam ba kaha sila nga magbag-o o kining ilang horror story mao na gyod ang ilang panginabuhian? Mga Bisaya, dili na ko makatubag niana.
Hala!
Wala ko kabalo pud nga naa ani nga magic-magic.
Naa koi pag duha-duha, pero gi bale wala ra nako kay salig
rako sa akong mga higalang bisdak nga naninda sa larsian.
eeeewiiieee
Sows puera gaba bitaw diha sa Larsians! Dili nlng kaau nako i-detail pero nakaana jd ko na dili na jd ko mubalik dihang lugara. Dili pa sumthng special ilang bbq, gubot pa jd. Maipa adtus Matias!
Dugay na gyud ko wala nikaon diri. Daghan naman gyuy horror stories pero hinaut pa unta ila ning mausab. Paborito kaayo ni sa akong mama sa una.
Dugay nako nakadungog ana nga mga horror stories sa Larsian. Mao nang every time na mukaon mi diha, amo jud tan-awon ang among gi-order if mao ba jud ang ilang giluto. Nya inig ting bayad na, amo pud kwentahon daan pila amo nakaon para dili mi mailad.
HAHAHA samoka anang ungua oi. Igsuon guro nang Lucia Joaquin ba! Mao jud nang di nko mukaon sa Larsian balik haha
Dili najud ko mobalik diha. Daghan kaayog mga kakulian anang lugara. Aside sa kalimpyohon, murag overpricing ra. Usahay manikas pajud. Tsk.
Kuyaw pud ning mga horror story sa Larsian da. Maypa mukaon nalang didto. Haha
Lisod na rung panahona, daghan na kay tag trust issues. Nia imbis unta mabusog ta, binuangan pajud ta. Di najud ko ganahan mukaon diri. Dili pod ko ganahan sa idea nga inig sulod sa Larsian, mura daw ug artista kay ilugan or tapok-an. Samok sya.
There’s a lot of vermin there too. Add that to the horror story.