Asa ang mas hadlok: ang mga haunted house o kanang buwagan ka sa imong uyab nga love kaayo nimo ug wala ka kahibawo ngano?
“I am a strong, independent (wo)man!” Mapa-babaye man o lalaki, tan-awon nato kon isog pa gyod ko kon mag-inusara mo aning mga lugara usa ka gabii samtang takdol ang buwan.
Kalag-kalag sa mga Bisaya
Karong Kalag-kalag aka Halloween season sa mga Bisaya, panahon na sad nga hadlokon nato ang atong mga kaugalingon. Kon wala ta mahadlok nga gibuwagan ta sa atong mga ex sauna, tan-awon nato kon di ba ta mahadlok kon mangita na og ungo. Ang mga natu’g nga ungo atong pukawon unya mosiyagit dayon ta kay nakamata sila.
Hadlok nga Haunted Places sa Cebu
Base sa akong mga nabasahan ug na-experience, mao ni ang mga lugar nga most probably gipuy-anan og elemental spirits nga dili maayong pukawon (pero why not?) sa mga gabiing takdol ang buwan.
1. Punerarya
Source: ilovehalloween.net
Dili katingalad-an. For sure wala ka ma-shock nga naa ni sa atong listahan. Ang mga funeral homes giingon nga makapanlimbawot sa balhibo tungod sa mga patay nga wala pa makadawat sa nahitabo nila. Daghan kunong mga espiritu dinhi nga wala pa maka-move on (ahem!) sa ilang kinabuhi dinhi sa yuta.
2. Publikong Ospital
Source: pinterest.com
Usa maabot sa punerarya ang patayng lawas, mogikan usa kini sa ospital. Tungod sa kakaraan na sa mga publikong ospital, giingon nga dili na usab maihap ang mga kalag dinhi nga hangtod karon wala pa gyod maka-move on (morag ikaw!) ngadto sa pahulayng dayon.
Pangutan-a ang mga nurse ug doktor sa inyong ospital, for sure, naa na silay horror story nga maistorya nimo.
3. Giabandonang Hotel
Usually ang mga moabot sa ospital mga biktima sa krimen. Daghang krimen nga posibleng nahitabo sa publikong lugar. Sagad gipatay o gidunggab. Ang uban nini nahitabo sa hotel. Hinuon, daghang mga biktima nga sa pagpatay sa hotel igo na lang iadto sa hospital aron ingnon nga patay ug diretso na sa punerarya.
Sa Cebu, dunay gitawag nga Moncado Hotel sa Sudlon II. Walay ganahan moadto aning lugara kay giingon nga dunay hadlok nga sugilanon. Modawat gihapon ni sila og mga bisita ug kon isog gyod ka, anhia ning lugara. Alang sa dugang impormasyon, basaha ni.
4. Karaang Balay
Source: myguide.ph
Ang Carcar sa Cebu usa ka historical destination tungod sa mga karaang balay dinhi. Ang Casa Gorordo Museum kanhing balay sa unang bishop sa Sugbo nga si Juan Gorordo. Ang Sandiego Ancestral House sa Parian usa sab ka balay nga puno sa daghang artifacts ug mahadlok nga sugilanon.
Kining mga balaya gikahadlookan nga puy-an o adtoan ilabi na kon gabii ug takdol ang buwan. Dunay mga wala pa nakapahuway nga espiritu sa mga karaang balay sa Carcar, dunay dalaga nga igsoon sa bishop nga maglingkod sa sala sa Casa Gorordo, ug kon mopiyong ka sa imong mga mata sa Sandiego Ancestral House ug wala na ang adlaw siguradong manlimbawot imong balhibo.
5. Opisina
Kon abi ninyo sa abandoned places lang ang possibly haunted, ayaw mog kompyansa. Pwede sad baya nga sa inyo mismong opisina dunay mga dili ingon nato. Wala pa mo kasuway nga magabhian ug ikaw na lang usa ang nahibilin? Kon bag-o pa sa trabaho, suwayi og pangutana sa mga workmate kon duna bay horror stories ang inyong trabahoan.
6. Simbahan
Daghang mga simbahan nga karaan makakita ka og mga lapida sa sulod. Ingon ana ang simbahan sa Carcar. Daghan nang mga sugilanon nga mga maglakaw-lakaw bisan walay tawo ug mga nagdagan nga bata bisan tungang gabii.
7. Menteryo
Source: wallpaperup.com
Sa pagbisita sa mga menteryo karong Adlaw sa Minatay, ayaw kalimot sa pagpalina inig gawas. Kanang asohan nimo imong kaugalingon aron dili mouban ang espiritu sa mga minatay ngadto sa inyong balay.
Wala gyod ka nahadlok? Diay mga horror stories sa UP Cebu nga suwayi og basa nga ikaw rang usa karong gabii. Amping!
PS Ikaw, kon duna kay experience sa mga lugar dinhi sa Cebu, i-comment lang, Bisaya!
Ka creepy sa pictures! HAHA. So far, wa pako kasuway ug di sad ko ganahan makasuway. Thanks but no thanks na lang. LOL. Even sa office before, usually early ko muabot na off pa ang lights or late na ko muuli na wala nay tao but so far, wala pa man jud ko ka feel. Hadlok siguro sila nako. Haha! Matog ra ko sa sleeping room, bahala na sila kung ganahan sila mu watch. Eeew. hahaha kahadlok!
Kuyaw ning mahadlok ang mga dili ingon nato sa imong presence, Mommy Rea! Hehe. 😀
Mahadlok ko basta kalagkalag kay na ah ko experienced sa una bata pako nga hangtod Karon wala pa nako malimtan. Nuon pagabot nako Cebu wala pako kasuway nga naka experience kog pareho sa una. Kana jud sa Hospital kay mahadlok pud ko ana.
I hope nga maka-experience na ka ani soon, Lai. You’re missing the fun! Haha.
Waahh piskot nanlimbawt akong balahibo gabasa ani na palong ang suga sakong kwarto hahaha! Bitaw mutuo ko sa office kay dghan pud ug ungo2x stories sa among office. Waahh pakatulga koo
File na lagi na og resignation letter. Joke! 😀
Hahaha. My mind is the scariest place to be in right now. Probably because of the recent death of my aunt; medyo weird akong thoughts and I find it hard to sleep at night unless I’m super exhausted.
Although really, I don’t like hospitals gyud.
Naa raba among apartment likod sa simbahan. Dapat ko mahadlok ani? Huhu! Pero ingon pa sa among landlady, mas mahadlok ta sa buhi kaysa minatay..pero hadlok jud gihapon huna hunaon ang ghost. Haha!
Ahak, kahadlok sad aning mga pictures oy! Hahaha. Makapanlimbawt man sa ug balahibo. Bitaw, ang pinaka halokan nako ani sa tanan noh kay ang hospital. Ambot lng.. lain jd ako pamati ug hospital haha
Naa koy creepy story pero dili lang nako i storya diri. haha..
Mas creepy ang simbahan magabii compared sa Menteryo. LOL
more more! gusto lagi nako maadto ang moncado hotel! hahaha.
Nindot unta og naka-Halloween adventures ta ninyo sa? Photowalk ba run or general hangouts, I’m sure naa gyuy manungag kalit ana kay sabaan nato. Hahaha
Kuyaw pud ning mga lugar na imu gipili Rome oy! Lain napud nga mga lugar! Kanang makasuway ug kalipay o! Hahahaha
apil ta ngari ang mga karaan ng mga eskwelahan (i.e USC or USJ-R). Sharo way mahadlok ug mga madre o pari na mang haunt. haha
Been working in the hospital for many years. They will only hilabot you if you are scared. I prefer cemeteries and churches than malls. It feels peaceful there. Great jogging area ang mintiryo.
The scariest place I’ve been to was my heart: cold, dark, full of sadness and mysteries. HAHAHA! But seriously, the most haunted I’ve ever been was akong school sa una sa grade school. I’ve had ghost encounters didto. T_T
Nahadlok kos mga pictures da! Pero akoang experience jud kay sa school. It was 12am na nahuman mig practice ug sayaw. Nilabay mi sa highschool lobby. Ug sa dihang ni lingi ko sa left, naa koy nakit-an sa way pag atik, babay nga naka puti mi-agi nga paspas, naklaro jud ang pag sway sa iyang white dress. Ni freak out ko and akoang gitukmod ang akoang mga kauban (duha sila sa akong front, nag una, naa pay uban sa akong luyo) pa forward and naka shagit jud ko. Usa sa mga natukmod nako kay si Ram gane to kay kauban man mi ato ug sayaw. Idk what exactly akoang nakita pero mao jud to akoang nakita. Di man jud ko superstitious nga taw and I don’t exactly believe in supernatural beings pero that time kay lain kaayo sa feeling. Hahahaha omg story mode kaayo ko. xD
Usahay mas mahadlok ko muadto ug kalasangan labi na kung naay dagko na kahoy kay nagdako gyud ko sa mga istroya sa mga engkanto, di ingun nato ug santilmo.
Di man ko mi mutoo ug mga moo-moo noh pero if naay life after death, ang pinaka hadlok is ang simbahan. Matod pa sa mga katigulangan, naa man gud tanan kalag dha. Ang sa menteryo mga patayng lawas ra man na.
Sa simbahan sa Carcar, dunay mga bukog nga gilubong sa mga haligi. Mao diayng abtanan ni. Hihi. Di sad ko sure anang asa gyod ang mga patay magtambay.
Ako nakasinati nako anang hadlok nga lugar, sa ospital sa Cebu, kanang chonghua sa fuente, sa una wa pay bag ong extension nga building ,haroy pastilan lamang nakong hadloka kay naabot kog morgue, sus migawas bitaw tong ngil ad nga nawong nagsakay sa wheelchair. Basta iyang dagway kay nalata na bitaw tan awon, nakadagan kog ahat unya nahibilin akong tsinilas nahapla pa jud ko sa hagdan, pastilan…
Daghan bitawng kuyaw nga lugar diri sa Cebu, bai!