Basta Blogger, Kinahanglan Bang Gwapo ug Gwapa?

Sa panahon karon, duha ra ang ilado nga klase sa blogger. Una, kining mga blogger nga lami kaayo og pose unya mga gwapo ug gwapa. Maglaag-laag sila unya magsige og pa-picture bisan asa pa sila maabot. Ikaduha, kining mga blogger nga mga pataka og post og balita bisan karaan dayon ingnon nga bag-o. Dako ni silag traffic sa ilang mga blog pero kasagaran walay kwenta ilang mga gipangsuwat.

Ang una gitawag nga Fashion and Style Blogger. Ang ikaduha wala ko kahibawo unsay tawag basta nanggawas ni sila bag-ohay lang aron ilaron ang mga tawo nga tapolan mobasa ug mokaykay og mga impormasyon. Dayon kusog kaayo magyawyaw pataka lang og paghot. Sakit sa bangs.

Fashion and Style Blogger

Wala koy charisma ug dili ko gwapo nga makailad og dili ingon nato. Magsige ko og kaon usahay ug kini hinungdan nganong kinahanglan na kong magpadaot. Wala ko kahibawo asa na nabutang ang akong abs. Dili sad ko kahibawo mo-posing. Mag-traning pa ko morag moapil og beauty pageant. Ambot lang kaha kanus-a.

Daghan kong kaila nga mga Fashion and Style Blogger. Ang paborito nako si David Guison ug usahay dunay mga higayon mangutana ko sa akong kaugalingon nganong wala na lang ko nahimong siya. Mag-posing-posing ra ko, maglaag-laag ko, bayran ko. Sa kataposan sa adlaw, nakahunahuna ko nga dili sayon ang ilang trabaho. Hago kini ug daghang kuti nga giagan apan wala lang nato makita. Pila kaha ka pose ang nabuhat usa siya maka-finalize nga mao na to ang i-post? Pila kaha ka gabii silang magpuwaw aron magsuwat sa ilang mga blog?

Sa pagka karon, wala nako magdahom nga mahimong si David. Gusto lang nakong mahimong usa ka Bisaya nga blogger nga proud sa iyang pagka-Bisaya.

 

Pataka’g Yawyaw Blogger

Tungod aning mga blogger kunohay nga mitumaw bag-ohay lang, daghan na ang nag-ingon nga mga walay buot ang mga blogger. Pataka ra kuno og tabi. Blog-blog lang aron mangilad. Basta website gani ang source unya dili news organization, tawgon dayon og blog. Unya, kinahanglan pa nakong isulti unsay mga gihunahuna sa publiko nga wala makasabot unsay blogger?

Aron dili maapil aning isyu, likayan na lang nga mahimong usa ka political blogger. Daghang kwarta ani rong panahona pero kon masipyat, posible sad nga makadaog ka og free trip paingon sa menteryo.

 

Bisaya Blogger

Dili kinahanglan lami ang pose ug gwapo aron mahimong usa ka Bisaya Blogger. Dili kinahanglan nga magpataka og yawyaw ug mag-apil-apil sa kasamok sa politika aron mahimong usa ka successful nga blogger. Layoan ang kontrobersyal nga isyu, mopaduol sa mga sugilanon sa kinabuhi sa mga Bisaya.

Mamahimo kahang ilado nga blogger ang usa ka Bisaya nga dili gwapo ug dili mag-apil-apil sa politika sa iyang blog? Kanang popularity, shallow ra na. Ang tinuod nga success sa usa ka blogger nag-agad kon pila sa iyang mga gisuwat ang nakapausab sa dagan sa kinabuhi sa iyang mga magbabasa. Mao na ang importante.

Sa pagka karon, nagpadayon kog plano unsay mga sugilanon sa mga Bisaya ang takos hatagan og pagtagad dinhi sa Basta Bisaya. Usa kini ka sa blog sa kinabuhi sa mga Bisaya, ilabi na natad sa Arts & Culture.

Hangtod sa sunod nga yawyaw, Bisaya.

PS
Sa imong tan-aw, duna kahay future ang pag-Binisaya ug ang Bisaya nga blog?

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

46 Comments on “Basta Blogger, Kinahanglan Bang Gwapo ug Gwapa?”

  1. Nakatawa ko nagbasa kay murag suko kaayo kas blogger na mag posing2..hahahaha! Sakto ka na dapat responsable tas atong gipangsuwat pero naa man jud uban na ganahan sad mag blog as personal journal lang..mao tingali maka.ingon ta na naay murag way buot na blog. Ikaduha na punto. Dghan sad jud satire news na manggawas sa blog pra increase og traffic; dili maayo pero naa jud ghapon mailad. Haha! katagsa r ko mkabasa og bisaya na blog..so para nako naa ni future, lingaw! ?

    1. Dili man suko, suya na lang sa ilang lifestyle. Hehehe. Dili gyod sayon na ilang gipangbuhat. Dili gani nako kaya.

      Satire blog is one thing. Another thing kay so-called unbiased news blogs from the supporters of a politician.

  2. Hala oi kanindot ani basahon super. You speak about the reality jud sa ubang mga blogger nga tinuod baya jud. Ang uban wa jud sila ga think Unsay mahunahuna sa ubang tao or public in general. Ma angil ang ubang blogger sa ilang ginapangbuhat nga makahatag ug negative feedback sa ubang blogger. Anyway, sakto ka di man na sa pasikatay ang importante na ah pud ka na pa inspire nga ubang tao tungod sa imuhang ginabuhat. Salamat ani nga article ai. Super nice sya!

    1. Daghang salamat, Ariel! Mayta wala ra ka na-pressure sa akong pag-Binisaya ug hangtod sa sunod yawyaw. Padayon sad sa imong paglatagaw ug pagpanaw sa tibuok kalibotan!

  3. I have troubles expressing in Bisaya when I write, so please excuse my grammar. Haha

    Sa una, makaingon jud ko nga “blogger” ang usa ka manunuwat kay makakita ko nga sige siyag post about iyang OOTD. Recently ra nako narealize nga blogging is not just fashion and style. Gikan man gani ni sa mga yawyaw parehos ani ang web log sa katong gasugod pa lang ang internet. Karon, mahimo’g food, career, style, bisaya, literary, ug uban pa. Ang importante makatabang sa mubasa sa articles. 😀

    1. I appreciate your effort nga mag-Binisaya, Totem. Daghang salamat!

      Correct, thankfully, tungod kay kahibawo na ta unsay meaning sa blogger dili na na ta maglibog unsa ning blogger. Ang atong buhatonon lang mao ang mopasabot sa uban unsa gyod ang blogger.

    1. Dahang salamat sa pag-agi, Jomar! Mao ni problema nato basta #politicspamore ang istoryahan. Hangtod sa sunod yawyaw!

  4. Gogogo Bisaya. Bahalag walay #blagirrpose kay basta bisaya naay future. Padayon sa paglambo! PS: Required pud mi magbisaya sa comments? Nyaha

  5. Ako bisaya na blogger kay bisaya ko ug dagway. Nalipay ko na imo ning gibuhat kay sa tinuod lang naguol ko kay ang mga bag-ong tubo dila na kaayo hanas sa kaugalingong lingwahe. Usahay pa gani ilan pang sugsugon ang mga Bisaya. Sakit kaayo kay ang tan-aw nila sa Bisaya ubos. Mutabang gyud ko sa imong tumong na ipasaka ang garbo ug dungog sa mga Bisaya! Ipadayon Dong!!!

    1. Seryosohon ni nakog tubag, Karlu Ulanu? Hahaha.

      Bitaw, daghang salamat! Okay ra man gyod nang dili kaayo hanas mag-Binisaya. Sugod-sugod lang god ta og basa. At least from time to time, makat-on ta og bag-ong terms sa atong pinulongan. Di ba?

  6. Hehehe enjoy basahon bisan lisod para sa ako (karon ra man ko nakahibaw mosulti Bisaya). Dili man gani ko gwapo/gwapa o sexy man diha. Ang importante ra man siguro nagbuhat ka something na nagenjoy ka, mao blogger ka? hehe. Ako blog kay puro ra man pagkaon ug lakwatsa na hopefully maka tabang man sa uban tao na nangita impormasyon 🙂 di ko ganahan makita ako nawong sa blog kay di man pagkaon ako nawong 😉 hehehe!

    1. Sakto ka, Trixie. Mag-blog ka aron i-share ang imong nindot nga experiences, aron dunay mga tawo nga makakuha og bag-ong impormasyon gikan sa imong experiences sa kinabuhi. Padayon sa pag-blog!

  7. “Ang tinuod nga success sa usa ka blogger nag-agad kon pila sa iyang mga gisuwat ang nakapausab sa dagan sa kinabuhi sa iyang mga magbabasa.”

    uyon ko! bag-ohay ra ko nagsugod sa ako blog. pero dili ko fashion blogger ug dili sad ko pataka ug yawyaw na blogger hehe. wa koy nindot na pictures, wa ko nagstorya ug politika, ug labaw sa tanan wa sad koy traffic! haha. ma insecure ko usahay kon daghang likes o comments ang usa ka blog. but narealize nako na it’s not about the numbers, but it’s about whether you have touched readers with your posts. hehe.

    padayon pa sa imo blog, Rome! 🙂

    1. Hi Mommy Ion, musta? Salamat sa pagduaw sa akong gamayng payag! 🙂

      Nindot kaayo nga unta moabot ang panahon nga daghan na ang makasabot unsa gyod ning blogger ug nganong dunay mga tawo nga mag-blog. Dili tanan nato dinhi gusto lang makakwarta, ang uban gustong mo-share sa ilang mga kasinatian sa kinabuhi. Okay ra nang walay traffic karon. You’ll eventually get traffic if you join groups and comment exchange. At least ba, dunay mga tawo nga nag-blog usab nga mobasa sa imong sinuwat.

      Padayon sa pag-blog! I’ll check your blog unya! 🙂 Amping!

  8. Hats off! Ipadayon ang pag-blog ug binisaya. Dli lang aron makatabang sa mga magbabasa, kun dili makatabang pud ni sa pagbuhi balik sa kaugalingung pinulongan.

    Nalingaw ko sa mga political bloggers, bitaw uso ug samuk kayu sa fb timeline -_- hahaha may gani wala pay travel bloggers dri hahaha

  9. Sa tinud-anay, medyo mag-lisud gyud kog istorya ug Cebuano na Bisaya kay dili man gyud lage ko taga diri. Hahaha. Pero ang ako lang pod, kay mu-uyon gyud kos imong mga gipang-hisgot sa ibabaw, ug unta na mapun-an pa unya ni nimo ug lain na sad nga klase ug bloggers puhon kay lingaw ug na-interesado sad bitaw ming tanan nag-basa ani! Hahaha

    1. Thank you for the effort nga mag-Binisaya, Ram! Okay ra jud mag-English. Ayaw mo ka-pressure. Hehe. Daghang salamat sa suporta!

  10. Dili lalim ang pagmantala sa pinulongang Bisaya tungod kay kini gihikalimtan na ug hinay-hinay sa mga kabatan-onan karon. Hinaut nga imo kining padayonon!

    Ug balik ta sa isyu nga kinahanglan ba gwapo o gwapa…depende kini. Tinuod, ang unod sa imong gisulat ang pinakaimportante apan ang blog usahay mubalhin na sa lain nga media. Dili ikalimod nga importante pud ang “face value” ilabi na kung gusto ka makigbulig sa mga dagkong kompanya.

    Hinaot nga sakto ra ang akong Binisaya. HAHAHAHA!

  11. Sukad high school pako, magtuo gyud ko ang mga bloggers kay mga dato ray pwede. Kanang dato na sila daan nga dili na kinahanglan mag trabaho ug seryoso kay lagi, wa silay lain nalang buhaton. Mag suwat nalang sa ilang lifestyle na nindot kaayo. Mag oitd sa ilang mahalon na gisuot. Magpa chuy-chuy lang.

    Sukad nga ni apil kog kumunidad ug mga bloggers, adto ko naka realize na daghan pa man diay mga klase-klase nga bloggers. And kini nga usa ka blog kay unique kaayo. Ipadayon Rome. ?

  12. Lingawa! Magbinisaya gayud ako pero pardon lang sa spelling. Sa tinud-anay naay pa gayud ma-shock nga blogger ko, dili man daw ko magpost sa ako instagram ug posing-posing niya ug hilumon man daw ko. Charaught. Pero dakung check na ang tinud-anay na blogger maka-usab ug perspective ug maka-inspire sa uban.

    Daku jud ang future sa Binisayang Blog! Padayon~ Mabuhi ka!

  13. Lisud baya ko ug understand ug binisaya pero nalingaw ko ug basa ani. Abi nagpost post ug OOTD kay blagir na dayun. Sa akong pagkabalo sukad sauna na ang blagir kay daghan ng variety, sama sa mga laag, medisina, lingaw ug kaning culture sa bisaya. Pero saludo jud ko nimo kay isog ka aning butanga. Padayuna!

  14. Nalingaw ko ug basa sa imong blog Rome. Nindut kaayo palandungon nga aduna pay pipila nga nag hatag ug importansya sa pinulingang binisaya. Tuod man, balik lantaw sa imong pangutana kung kinahanglan ba mga gwapo ug gwapa ang blogger, para nako dili man siguro kinahanglan pero ang hitsura makatabang pud na sa pagpalambo ug pagdungag sa magbabasa. Abente mga bisaya.?

  15. Boom! Ganahan ko ani da!.. PASHION VLAGIR! 🙂 magtinarong na lang kug suwat sa akong blog ani.

    Nakahuna huna ko ba, kung unsaon nimo ang pagproof read sa imong blog na murag kung nakaspell check sa English tanan man ni puwa!

    Idolag Bisaya Blogger.

  16. Hala. Kanindit basahon ani. Dako kaayog kaugmaon ang binisaya nga blog. Saludo ko sa author ani. Omg amazing. ? Dili jud lalim ang mga gimpang buhat sa mga bloggers pero mas dili ni lalim kay ang bisaya nga pinulongan dili sayon pero nabuhat jud sa author.

    Basta idol najud ni nako. Added sa akong mga gimpang follow nga blogs <3

  17. Gamita ani nga post oi, Grabe! salamat kaayo.
    Mao gyod ni akong gipangita karong mga orasa.
    Plano nako mag blogger, pero libog ko sa tumong og tuyo aning blogging
    Abi nakog pa gwapohay og gwapahay rani.
    Karon tin-aw na akong huna-huna salamat ani nga blog.

Leave a Reply

Your email address will not be published. Required fields are marked *