Google DevFest x BizFest Cebu 2018 Karong Oktubre 27

Mangadto ta sa Google DevFest x BizFest Cebu 2018 sa Summit Galleria Cebu, mga Bisaya!

Karong Oktubre 27, Sabado, gikan sa alas 8 sa buntag hangtod na sa alas 6 sa gabii mahitabo ang labing garboso nga Google tech event dinhi sa Sugbo karong 2018.

Ang DevFest Cebu 2018 mao usab ang 10th anniversary sa Google Developers Group Cebu kun GDG Cebu. Ug karong tuiga, makig-partner na usab sila sa Google Business Group Cebu kun GBG Cebu alang sa labing unang BizFest Cebu 2018. Sa miaging tuig, adunay GDayX Cebu nga gipahigayon.

DevFest x BizFest Cebu 2018: Into the Future

Karong tuiga, may tema nga “Into the Future” ang labing dakong Google tech event dinhi sa Sugbo.

Ang mga diskusyon sa nagkalain-laing speakers maghisgot niining napili nga tema. Ang sustainability ug impact sa technology ngadto kinabuhi sa mga tawo maapil usab og hisgot, mga Bisaya.

DevFest by GDG Cebu

Ang DevFest (Developer Festival) mao ang tinuig nga kalihokan sa GDG Cebu nga tambongan sa nagkalain-laing mga developer dinhi sa Sugbo. Hisgotan ang nagkalain-laing topic sa Web, Android, Cloud, ug Machine Learning.

Adunay mga international Google-certified speakers nga motambong ug mopaambit sa ilang mga kahibalo ngadto sa mga Bisaya.

BizFest by GBG Cebu

Ang BizFest (Business Festival) ang bag-ong ngalan sa tinuig nga kalihokan sa GBG Cebu nga tambongan sa nagkalain-laing mga business owners ug digital marketers dinhi sa Sugbo. Ang mga topic nga hisgotan mahitungod sa startup, entrepreneurships, ug bag-ong kalihokan sa Google technologies.

Siyempre, duna usay mga international Google-certified speakers nga motambong sa kalihokan.

Register na, mga Bisaya

Mamahimo ka nang mag-register alang sa DevFest x BizFest Cebu 2018 karong Oktubre 21. Sulit kaayo ang ticket tungod kay dili sa tanang higayon magtapok ang mga international speakers sa usa ka lugar, mga Bisaya.

Alang sa dugang impormasyon, bisitaha lamang ang devfest.gdgcebu.org, mga Bisaya.