Cebu Creators Day: Nganong Angay Kang Moadto

Andam na ba mong makahimamat ang mga Bisaya nga blogger, vlogger ug mga Instagrammer? Ganahan ba mong makadungog og mga tip gikan sa mga award-winning ug banggiitan nga mga content creator sa Sugbo karon?

 

Cebu Creators Day: Content Creation for Millennials

Karong Oktubre 21, Sabado, gikan sa ala una hangtod sa alas singko sa hapon ipahigayon sa Robinsons Fuente ang “Cebu Creators Day” nga may temang “Content Creation for Millennials” nga bukas alang sa tanang gustong motambong. Libre alang sa tanan!

Atol sa kalihokan, mao kini ang mga speaker nga mopaambit sa ilang kahibalo:

  • CJ Estrada of Four-eyed Laagan, “Vlogging-On-The-Go: Creating Videos Using Your Smartphone”
  • Jullian Sibi of Utterly Random Techie, “Realities of a Cebu Tech Blogger”
  • Doyzkie Buenaviaje of iLuvCebu.com, “Social Media Good: Blogging with a Cause”
  • Issa Perez of Issaplease, “The Everyday Internet Millennial: Maximizing the Social Media for Creative Outlets”
  • Rome Nicolas of GBG Cebu, “How Content Creators Can Help Businesses”

 

Nganong Angay Kang Motambong

Kon nagduha-duha ka kon unsay imong makuha kon motambong ka niining kalihokan, ania ang pipila ka hinungdan nganong angay kang moadto:

  1. Kining kalihokan gipasiugdahan sa Cebu Content Creators, usa ka pundok sa mga content creator sama sa blogger, vlogger ug Instagrammer dinhi sa Sugbo!
  2. Inabagan kini sa GBG Cebu, kun Google Business Group Cebu, diin mopaambit sila og mga tip alang sa gustong himoong panginabuhian ang pagpaambit sa wanang sa internet.
  3. Panahon na kini nga makig-ila-ila ka sa mga content creator karon sa Sugbo. Usa ka adlaw alang sa paggawas ngadto sa kalibotan luyo sa imong laptop sa balay.
  4. Libre kini! Wala kay kinahanglang gastoon aron makaapil. Apan ang imong makat-onan dinhi posibleng makapausab sa imong kinabuhi.

 

Mangadto Ta, Mga Bisaya

Gawas sa mga diskusyon, duna usay meetup alang sa mga blogger, Youtuber ug Instagram nga ipahigayon. Kon buot nimong motambong, register lamang dinhi: bit.ly/CebuCreatorsDay

Kining kalihokan gipasiugdahan sa Cebu Content Creators ug GBG Cebu nga inabagan sa Robinsons Fuente.

Alang sa dugang impormasyon, sutaa lamang social media accounts sa Cebu Content Creators ug sunda ang hashtag nga #CebuCreatorsDay sa nagkalain-laing wanang sa internet, mga Bisaya!

Magkita-kita ta didto, mga Bisaya!

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

Leave a Reply

Your email address will not be published. Required fields are marked *