Matag buwan sa Septiyembre sugod karong 2018 gitakda nga “Cebu Content Creators Month” diin adunay nagkalain-laing kalihokan alang sa mga content creator sa Sugbo!

Gipasiugdahan sa Cebu Content Creators, usa ka pundok sa mga nagkalain-laing blogger, vlogger ug mga social media creators dinhi sa Sugbo, ang labing unang “Cebu Content Creators Month” karong 2018.

Nining unang tuig, adunay tulo ka kalihokan: Content Creators Workshop (Blog Talks), Cebu Grammers Meet, ug Cebu Content Creations Convention 2018 kun #C3Con2018. Ania ang mga detalye niining tulo ka panghitabo karong buwan sa Septiyembre.

 

Blog Talks – Content Creators Workshop

Karong Septiyembre 16 ug 23, Domingo, adunay Blog Talks kun Content Creators Workshop nga ipahigayon sa Books & Brews Cafe sa Mango Avenue, Sugbo. Ang kalihokan magsugod sa ala una sa hapon hangtod sa alas singko.

Mao kini ang mga speakers niining kalihokan:

Unang Adlaw

  • Stand A Chance On YouTube (Find Your Niche) by Rea Gene Alducente
  • See You In The Content Creator Side: A Story by Vernon Joseph Go
  • Connecting Your Blog To Brands And Monetizing Your Work by Philip Andrew Mayol

Ikaduhang Adlaw

  • Pro-Blogging 101: Actionable SEO Checklist by Rome Nicolas
  • Transforming Passion And Interest Into A Successful Blog by Carlo Andrew Olano
  • Mobile Photography For Your Blog Content by Philip Andrew Mayol

Alang sa dugang impormasyon ug kon interesado mo motambong niining maong mga kalihokan, tan-awa lamang ang Facebook sa Cebu Content Creators.

 

Cebu Grammers Meet

Karong Septiyembre, ipahigayon ang labiing unang Cebu Grammers Meet dinhi sa Sugbo. Kini mahitabo sa CBTL IT Park diin nagkalain-laing mga Instagrammers dinhi sa Sugbo mag-abot ug mag-ilhanay sa usag-usa.

Hisgotan niining adlawa ang pipila ka tips sa mobile photography ug adunay nagkalain-laing prizes ang ipanghatag sa mga motambong. Mga Bisaya, level up your Instagram game!

 

#C3Con2018 – Cebu Content Creators Convention 2018

Ug ang Cebu Content Creators Month 2018 taposon sa usa ka bonggang #C3Con2018 nga may temang “Content Creation for Brands and Entrepreneurs” diin magtapok ang nagkalain-laing mga business owners, content creators, ug mga interesado sa nagkalain-laing pamaagi aron makat-on unsaon pagpangita og kwarta sa internet.

Mao kini ang mga speaker niining kalihokan:

Kon interesado ka, mamahimo pa kaayo nga mo-register alang niining adlawa. Dugang impormasyon makit-an sa Cebu Content Creators.

Kitakits didto sa Cebu Parklane International Hotel karong Septiyembre 29, mga Bisaya!