Sa unang higayon, aduna nay 24/7 nga library sa atong nasod!
Mga Bisaya, kahibawo ba mo nga ang hinungdan nganong nahimong 24/7 ang Cebu City Public Library mao ang usa ka comment sa Facebook ni Mayor Tomas Osmeña? Si Mitch Roldan, usa ka estudyante sa Cebu Institute of Technology-University, inosente nga nag-comment sa usa ka post ni Mayor ug takuwahaw lamang nga mitubag si Mayor nga hatagan siya og usa ka semana.
Tuod man, paglabay sa usa ka semana, nahitabo ang gi-request nga “always open” nga library. Kini ang unang library sa nasod nga bukas sa tanang higayon!
Kon hunahunaon, perfect timing ang higayon tungod kay ting-Finals sa mga eskuylahan. Sa unang higayon, daghan ang motaak sa library ug makapahimulos sa libreng tun-anan nga abli sa tanang higayon.
Sa pagbisita sa Cebu City Public Library, hinumdoman nga gidili ang pagsul-ob tsinelas, shorts ug sando. Estrikto sila niining bahina ug dili sad pwede mag-PDA (public display of affection) aron respetar na lang sa mga single. Bitaw, tungod kay kini usa ka government office, dunay balaod nga gisunod nga makaayo ra sad sa tanan. Nganong moreklamo pa man?
Ug payter kaayo, mga Bisaya! Walay lamesa nga walay naglingkod. Bisan daghan kaayo ang mga tawo, hilom higayon dinhing bahina sa dakbayan. Ug daw ang tanan labihan ka-busy sa ilang mga gipanukiduki. Mapahiyom!
Mibisita ko sa Cebu City Public Library ganina. Nakighinabi ko ni Ka Bino Guerrero ug alang unta sa meetup sa Local Guides Cebu. Sa among pag-estoryahanay, nasangit ko sa Freedom Wall diin daghang mga mensahe ang gipapalit. Nangita kog 10 ka mensahe nga mitatak ug takos usab mabasahan sa uban.
10 ka Mensahe sa mga Batan-on nga Makapahiyom sa Imong Dughan
Ug tuod, dunay gihimong Freedom Wall sa pagsulod nimo sa library diin bisan kinsa mamahimong magbilin og bisan unsay masulti nila mahitungod sa Cebu City Public Library ilabi sa pagpahigayon sa 24/7 nga schedule niini.
Ania ang mga mensahe nga akong nabasahan nga angay usab ninyong mahibaw-an:
1. Daghan na ang mibalik og library. Ang uban, tingali, sa unang higayon nakataak dinhi!
Tungod kay abli lamang ang Cebu City Public Library matag alas otso hangtod alas singko sa una, gamay lamang gyod ang mag-estambayan dinhi.
2. Sa una dili sila sa library mag-estambayan…
Makahunahuna ka nga duna gyoy mga negosyante nga naguol niining 24/7 nga Cebu City Public Library da. Hala, hala!
3. Kini timailhan nga gisuportahan sa gobyerno ang kabatan-onan!
Unta daghan pang mga mosunod nga naa sa katungdanan nga andam mosanong sa panginahanglan sa kabatan-onan!
4. Ug ang opisyal niining ngalan: Rizal Memorial Library and Museum!
Asa kaha dinhi ang paboritong estambayan ni Rizal kon buhi pa siya no?
5. Ug dunay mga bata nga mosuroy na sa library!
Grade 3 nga tinun-an ang usa sa mga mingbisita sa public library. Payter da!
6. Ug unta dili abusohan kining higayona!
Mao gyod baya ni ang kuyaw: dili ta kahibawo moamping sa mga higayon nga makapabulahan nato.
7. Unsa kahay buhaton kon moadtog library?
Sa bag-ong henerasyon, nagkalapad na gyod ang library dinha sa internet.
8. Ug may mga buotan nga batan-on!
Nangita kaha ni siyag summer job? Hmmm…
9. Ug naghunahuna sa mga tigbantay sa library.
Ug, karon daghan na ang nagtrabaho sa Cebu City Public Library. Dugang nga trabaho alang sa katawhan!
10. Ug usa na ka tourist destination ang atong library!
Ikaw, mobisita ba usab ka sa mga library sa mga lugar nga imong bisitahan? Dinhi sa Sugbo, pwede kaayo na tungod kay 24/7 nga abli ang Cebu City Public Library!
