Kon pagkaon na lang gani ang istoryahan, dili gyod ko modili ana! Usa sa akong mga paborito ang back ribs. Ngano god tawn nga dili nga makabusog man kini ug inig sugod na nimog kaon makalimtan na nimo nga naglisod kag hiyak sa mga picture.
Dihang giimbitar ko ni Carlo sa Kalami Cebu nga mobisita sa pride sa Bacolod City nga Byron’s Back Ribs Grille sa Robinsons Galleria Cebu (ang unang branch nila sa Cebu), naningkamota gyod ko ang latason ang traffic gikan sa opisina paingon sa ilang restaurant.
Sa akong pag-abot, dinha na sa lamesa ang tanang mga pagkaon! Unya napun-an pa gyod kay ang uban ila nang nahurot. Mas daghang pagkaon, mas na-challenge na nuon mi nga mopadayon sa non-existent diet mode. Hala, pabuyag, patuyang og kaon kay lami ang ilang back ribs!
Grabeha sa ilang back ribs, uy! Dagko kaayo. Ang ilang P150 nga back ribs per serving dili para sa mga nag-diet. Pwede na kaayo pangduha ka tawo! Generous ang ilang serving ug perfect gyod siya sa mga gigutom. Ganahan ko sa ilang back ribs kay tender ang meat ug mas makapalami gyod niini ang sauce nga sweet and creamy.
Ug duna sad silay Spare Ribs alang sa mga ganahan og mas sosyal sa back ribs. Lamian usab ang ilang templa apan alang nako mas lami gyod ang ilang back ribs. Tender kaayo! Unya mas ganahan man ko anang pagkaon nga humok ug mora lang og malanay sa imong dila sa imong pag-usap.
Naa pa gyoy Sizzling Sisig nga dunay cheese on top. I didn’t realize until then nga lami man diay ang sisig nga dunay cheesy factor. Butangan dayon og lemonsito ug siguradong dili makalimot sa iyang kalami. Good flavor!
Ug mao ni ang ilang menu sa Byron’s Back Ribs Grille nga pwede ninyong kapilian. Sa inyong nakit-an, barato lang kaayo ni. Good for the entire family. Duna sad silay family platter ug pangpamilya nga order. Pramis, gibutang ni sa sa among lamesa ug wala gyod mi kahurot kay gamay ra man sad mi. Kon daghan pa ni, sulit gyod kaayo ni!
Ang tatak Bacolod nga Byron’s Back Ribs miabot na sa Sugbo! Ug alang niadtong gusto og bag-o, lami ug barato nga back ribs, suwayi gyod ni ninyo!
Ania ang among video gikan kang Kalami Cebu atol sa pagbisita sa Byron’s Back Ribs, mga higala:
Gigutom mo nga nagtan-aw sa among adventure? Suwayi unya ang Bacolod’s Best Back Ribs nga miabot na dinhi sa Sugbo!
Contact Details – Byron’s Back Ribs Grille
Location: 2nd Floor, Verandah, Robinsons Galleria Cebu
Contact: 0943-213-1186
Check their Facebook for more info.
Lami gyud ni diri! Nagpalit gyud ko ug Byron’s para sa bag-ong tuig! Dako gyud kaayo ang 998 uy!!! Tilaw na!!!
Huyyyy kalami sa back ribs!!! Tilawan beee. Plus barato pa gyud. Actually, nagthink ra gyud kog sisig ganiha and mao dayon ni akong nakita. Haha, wa palibak. Unique sad ang sisig with cheese da.. Hmmmm.
Waaa kalami oy. Tinuod jud ning kaning back ribs dili para sa mga nag diet. Kung mukaon naman lang gyud ka ani, patuyang nalang jud. Haha
Hala! Makagutom.. bag.o ra ko gakaon.. gutom nasad.. lami kaayo ang picture sa ribs nga naa pay mantika.. wew..!
Ai kalami, I’ve never heard about this one yet, but I’ll surely check this if I get the chance. Ganahan jud ko ug back ribs. The food is very enticing jud sya ug lami kaayo tan awon.
Lamia gyud ani oi. Kung datu pa lang ko ako gyud ni adlaw adlawon.
Sus! Kalami jud intawn sa ribs oy! Ganahan na jud ko musuway ani ilang ribs apan walay mukuyog nako. 🙁