Mga Bisaya, andam na ba mo sa labing unang Pinoy anime?

Ang Barangay 143 ang labing unang Pinoy anime series nga ipasalida sa GMA-7 sugod karong Oktubre 21, 2018 sa alas diyes imedya sa buntag.

Kining salidaha bahin sa usa ka batan-on nga nangita sa iyang amahan ug nakakita siya og pamilya sa iyang mga higala nga hilig sa duwa sa basketbol. Usa ka sugilanon bahin sa duwa, sa gugma, ug sa kinabuhi nga kalingawan sa mga batan-on karon.

Ug mibisita ang mga cast nga ming-dub sa mga karakter sa salida sa Sugbo kaganiha. Bibo kaayo nga nakighinabi sa media silang Arran Sese, Kelly Day, Julie Anne San Jose, Ruru Madrid, ug Migo Adecer atong sa ilang press conference.

Ug minghapit sad sila sa duha ka mall dinhi sa Sugbo aron makighinabi sa ilang mga fans.

Apan angay hinumdoman nga ang Barangay 143 ang labing unang Pinoy anime ug silang mga tingog ning salidaha mao ang naghatag og kinabuhi sa mga karakter nga atong makita sugod karong Domingo.

Mga Bisaya, ania ang video sa ilang pagduaw sa Cebu:

Busa, angay natong atngan kining salidaha matag semana sugod karong Dominggo, mga Bisaya!