Karong tuig 2016, namugna ang Basta Bisaya. Usa kini ka blog nga mugna sa usa ka Bisaya alang sa mga Bisaya ug ang pinulongan Binisaya! Hangtod karon, naa gihapon kini sa Beta nga stage kay pending pa akong blog redesign ug branding documents.

A photo posted by Basta Bisaya (@bastabisaya) on

Sa unang tulo ka buwan sa Basta Bisaya ug kataposang tulo ka buwan sa tuig, ubay-ubay sad ang atong nasuwat ug nabuhat dinhi sa atong blog.

 

Garbo sa mga Bisaya

Ang tumong sa Basta Bisaya mao nga dili magpabilin og usa ka ordinaryo nga blog nga Binisaya karong 2017. Kinahanglan nga mag-level up kini ug magpadayon nga mopakita sa unsay mga garbo natong mga Bisaya sa nagkalain-laing dapit sa atong nasod (ilabi na sa Visayas ug Mindanao) ug sa laing dapit sa kalibotan.

Sa kadaghang panghitabo, dili ni kaya sa usa ka tawo. Karong 2017, paningkamotan nato nga mo-evolve ang Basta Bisaya aron mas daghang balita ug kalingawan ang atong mahisgotan. Mao ang angay atngan.

Sa tuig 2016, may mga kabuang ta nga nahisgotan ug pipila na niini mao ang mga mosunod:

 

Tatak Bisaya

Ang Basta Bisaya naglaom nga mopadayon og hatag og inspirasyon sa mga Bisaya bisan asa mang dapit sa kalibotan. Ang mga Tatak Bisaya nga moment natong mga Bisaya angay usab nga mabutang dinha sa mapa sa internet ug kalingawan nato og basa ug tan-aw sa umaabot nga panahon, kondili man karon.

Unsa gyod diay ang Tatak Bisaya? Angay ni nimong basahon aron imong masabtan unsay mga binuhatan sa mga ordinaryo ug ekstraordinaryong mga Bisaya sa atong katilingban karon. Pipila sa atong mga nasuwat niini mao ang mga mosunod:

 

Support Local

Ug siyempre dili nato kalimtan og suporta ang atong kaugalingong kultura. Mapa-katitikan (literature), musika, lilas (movie), o unsa pa man nang matang sa alampat (art), paningkamotan nato nga motabang sa nagkalain-laing efforts aron mapadayon ang ang Sugbo karon alang sa umaabot nga henerasyon.

Siddhartha The Musical is celebrating its 10th year and it’s 100th show this December 12. Wow! ??

A photo posted by Basta Bisaya (@bastabisaya) on

Pinaagi sa Support Local nga campaign, atong gitabangan ang mga nagkalain-lain nga pundok alang sa ilang kawsa (cause) nga nasugdan ug pipila niini mao ang mga mosunod:

 

Salamat sa Inyong Suporta

Pipila lamang kini sa atong nasuwat karong tuig 2016. Daghan pa tang wala mahisgoti ug padayon nga Bisaya ang mga Bisaya sa umaabot nga tuig sa nagkalain-laing natad sa kinabuhi.

A photo posted by Basta Bisaya (@bastabisaya) on

Daghang salamat sa tanang misuporta sa kawsa dinhi sa Basta Bisaya ug sa akong mga higala sa High Intensity Bloggers (HIBsters) nga walay kakapoy nga nagpadayon og blog ug sulti sa mga kauban nga mopadayon sa gisugdan nga adventure. Magpadayon ta ninyo sa tuig 2017!

Atangi ninyo ang bag-ong Basta Bisaya sa tuig 2017, mga Bisaya.