Barog Bai! Ang Bisaya Fan Fest ug Bisaya Music Festival magpahigayon og concert-for-a-cause alang sa mga biktima sa miaging landslide sa Naga City, Cebu.
Adunay mga performances atol sa Barog Bai: A Benefit Concert gikan sa mga Cebuano artists ug social media celebrities karong Oktubre 7, Dominggo, sa The Veranda, Robinsons Galleria Cebu nga magsugod sa alas 3 sa hapon.
Panahon nga magtinabangay ta, mga Bisaya.
Kahinumdoman nga ang pagdahili sa yuta kun landslide kaniadtong Septiyembre 20 sa Sitio Sindulan, Barangay Tinaan nga bunga sa kusog nga uwan ug quarrying sa lugar nakalubong og mga buhing Nagahanon nga nagpuyo sa dapit. Adunay mga pamilya nga ang ilang tibuok pamilya nalubong. Kapin sa 77 ang nakalas nga kinabuhi ug 8 gihapon ang wala pa makit-i sa pagsulat niini.
Usa sa atong mahimo karon mao ang pagtabang sa mga biktima sa nagkalain-laing paagi. Usa na niini ang paghatag sa mga inadlaw-adlawng panginhanglan human sila nagpuyo karon sa mga evacuation center kay dili na pabalikan ang ilang mga balay sa kahadlok nga posibleng mausab ang landslide.
Kinsa naa karong Dominggo? Silang Jerika Teodorico, Kubra Commander, Vincent Eco, Lourdes Maglinte, Jackie Chang, Kurt Fick, David Wilde X, Route 83, Mampor & Me ug uban pang mga Bisaya talents ang mo-perform alang mga katawhan.
Aron makasulod sa Barog Bai: A Benefit Concert, adunay lain-laing matang sa donasyon ang pwedeng dad-on, mga Bisaya. Mao kini ang kasamtangang gikinahanglan sa nagkalain-laing evacuation center sa dakbayan.
Ania ang mga pwede ninyong i-donate ngadto sa atong mga igsoong Bisaya sa dakbayan sa Naga nga nanginhanglan sa atong tabang:
Alang sa dugang impormasyon, tan-awa lamang kining Facebook event page alang niining maong kalihokan. Magkita-kita ta didto, mga Bisaya!
