Moapil ka sa Vispop 5.0? Submit na!

Mga Bisaya, kini na usab ang panahon nga mo-submit na ang mga batan-ong hilig sa pagsuwat og Binisayang kanta! Ang Vispop kun Visayan pop naa na karon sa ikalimang tuig ug dili pa gyod kini magpabangbang. Nagkadugay, nagkadaghan na ang mga submission nga nadawat. Gani, nahimo na mang genre sa Binisayang musika ang Vispop kay daghang mga kantang Binisaya karon nga natawag nga Vispop bisan pa wala kini maapil nining indigay.

Ang nakanindot rong tuiga kay gilunsad usab ang Kadasig diin matag buwan may bag-ong kantang Binisaya nga madunggan sa atong mga kaubang Bisaya. Dako gyod ang natabang sa internet ug social media kay kining atong mga nakab-ot nga kalamposan sa musikang Binisaya!

Kompara sa miaging upat ka season, medyo na-move ang schedule of submissions sa Vispop rong tuiga. Tungod usab kini sa Kadasig nga campaign nga gimugna sa miaging tuig. Ug karon, human sa mga pangutana kon duna bay Vispop rong tuiga, mipahibawo na gyod ang Team Vispop nga dili mawala kining song writing campaign sa ikalimang tuig.

Tungod kay naabot na gyod sa ikalimang tuig ang Vispop, mga Bisaya, mas challenging na ang pag-apil niini. Daghan na tang nadunggan nga mga kantang Binisaya sa miaging tuig ug karon ang challenge sa mga batan-on mao ang pagmugna og bag-ong kanta nga dili sakit sa dunggan ug puol na nga tema.

Ug tungod niini, tingali mas makaamgo na ang mga batan-on nga ang ilang isubmit nga kanta kadtong may mga mensahe nga dili sum-ol nga kapila na intawon nato nadunggan. Challenge usab kini sa mga judges nga mopili sa unom nga kanta nga may tagsa-tagsa ka kalibre ug makalingaw ngadto sa mga Bisayang tigpaminaw.

Ania na ang mga requirements nga angay ninyo mahibaw-an:

Ug ayaw tawn mo kalimot sa mga rules nga angay ninyong hinumdoman:

Ug extended diay ang deadline hangtod April 7, 2017 kon gusto pa ninyong moapas, mga Bisaya! Ayaw ninyo sipyata, ha. Wala ta kahibawo kamo na diay ang sunod nga Visayan pop singing superstar!

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

6 Comments on “Moapil ka sa Vispop 5.0? Submit na!”

  1. maka lipay mahibaw-an nga buhi pa gyud ang musikang bisaya ug naa pay effort tang makita para mulambo ang atong musika. Maayo pud ug ni venture nata ug laing genre. Ganahan baya ko sa mga kanta sa vispop.

  2. I am excited na mas daghan ang muapil rong tuiga Rome. Nagka-anam og kanindot ang mga Bisaya songs og dili na ikaulaw sa mga Bisaya. Ana gyud ta dapat. Proud ta. Kay mas daghan ra bang Bisaya sa Pilipinas kaysa sa mga Tagalog! Hahahaha!

  3. TA, ROME! Let’s make an entry dapat unique and unique pod and lyrics just like “represent 0-m**********n’-32!” HAHAHA joke

Leave a Reply

Your email address will not be published. Required fields are marked *