UP Singing Ambassadors ug UP Serenata mag-Concert sa Sugbo

Mga Bisaya, kahibawo ba mo nga dunay concert ang UP Singing Ambassadors (UPSA) ug UP Serenata karong Hunyo 9 dinhi sa Sugbo? Kining duha ka pundok mga pinasidunggang choral sa nasod. Sa unang higayon, magpahigayon sila og bongga nga concert alang sa mga Bisaya ug mga naa karon sa Sugbo nga hilig maminaw og musika.

Karong tuiga, ang UPSA magsaulog sa ilang ika-37 nga anibersaryo. Magpahigayon sila og tour dinhi sa Sugbo ug ubang dapit sa Visayas ug Mindanao. Ang ubang mga lugar nga ilang adtoan mao ang Albay, Sorsogon, Tacloban, Cebu, Dumaguete, Bacolod City, Kalibo in Aklan, and San Carlos in Negros Occidental.

Mipahibawo usab ang UPSA nga ang ilang professional fee unta sa pundok ilang itabang alang sa pag-apil sa UP Serenata sa ilang unang internasyonal nga tigi sa umaabot nga buwan sa Hulyo. Kini ipahigayon sa Singapore karong Hulyo 10-15.

Mipahibawo usab ang UP Serenata nga ang beneficiary sa ipahigayon nga concert mao ang My Refuge House Ministry ug Gasa sa Gugma. Kon motan-aw ka sa concert, nakatabang na ka, malingaw pa ka.

 

UP Singing Ambassadors

Natukod niadtong 1980, ang UP Singing Ambassadors karon usa sa labing iladong choral sa tibuok nasod. Ilang gihakot ang Grand Prize ug First Prize sa mga contest didto sa Europe sama sa 14th European Grand Prix for Choral Singing kaniadtong 2002. Si Dr. Edgardo Manguiat ang founder ug conductor niining bangiitan nga pundok.

 

UP Serenata

Garbo sa UP Cebu, ang UP Serenata mga tinun-an sa unibersidad. Si Dr. Catherine Rodel ang founder ug conductor sa pundok. Sagad sa ilang mga kanta mga Bisaya ug garbo sa mga Bisdak tang higala. Sila ang nakasakmit sa Championship sa Sinulog Chorale Competition kaniadtong 2015 ug ikaduhang ganti sa Gawad Pangulo Chorale Competition sa tuig 2016 ug 2017.

 

UPSA in the Queen City

Atol sa concert, ani ang pipila sa mga kanta nga ilang kantahon ug ang uban angay natong atngan:

  • Usahay
  • Rosas Pandan
  • Damgo Man Lang
  • Let It Go
  • Just The Way You Are
  • Just Give Me a Reason

Ang ilang concer ipahigayon sa IEC Pavillion karong umaabot Hunyo 9. Tag-P300 ang ticket alang sa regular ug P500 alang sa VIP diin mapalit kini sa UP Cebu High School department. Alang sa dugang impormasyon, tan-awa lamang ang Facebook page sa UP Serenata.

Mangadto ta ninyo, mga Bisaya!

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

2 Comments on “UP Singing Ambassadors ug UP Serenata mag-Concert sa Sugbo”

  1. I havent been to this kind of concert before, so na curious jud ko unsay feeling kung mutambong kag ingon ani nga event. And nindot pa jud kay and proceeds sa kani nga concert kay ilang itabang sa charities. And dili sad ka maka-ingon na boring siya kay naa pud silay ilang rendition sa mga sakit nga mga kanta karon sa atong henerasyon.

Leave a Reply

Your email address will not be published. Required fields are marked *