#LaagBisaya: Nganong Kitang Mga Bisaya Angay Mosuroy sa Silingan

Bag-o lang kong miabot gikan sa akong unang solo trip paingon sa Calbayog City, Samar. Kompara sa nangagi nakong mga laag nga duna koy kauban, kadto ang unang higayon nga akoy bahala sa akong oras. Walay magbuot unsay sunod nakong lakang ug daw wala koy paingnan.

 

Tungod sa Social Media

Mga batan-on karon hilig og biyahe. Kon tingali walay social media, dili ingon ani kadaghan ang mga laag sa mga milennials. Kon sa miaging panahon abi nila nga kinahanglan og dakong kwarta aron makalaag, mabantayan karon nga nagbaha sa social media ang mga itinerary nga bisan gamay lamang ang budget, mamahimo diay nga makahuman og laag.

Sa pagsige og travel sa mga milennial, mikusog ang turismo dinhi sa mga isla sa nasod. Daghan na ang nakabenepisyo niiining kausaban sa batasan sa mga batan-on. Kon wala pa gani social media diin paspas nga makapaambit og impormasyon sa mga higala ug bisan gani niadtong dili mga kaila, ambot lang kaha kon ingon ba niani kalingaw ang mga batan-on ug kabaskog sa lokal nga turismo.

Ang dali nga pagkuha ug pagpaambit og mga hulagway ug video usa sa mga hinungdan nganong daghang mga batan-on ang nalingaw nga magbiyahe-biyahe karon.

 

Daghan Pa Ang Wala Nimo Makit-i

Angay nimong hinumdoman nga kon dili ka molaag karon, mamahimo pa gyod sa umaabot. Kon nakasuroy na ka sa mga silingang isla, daghan gihapon kang wala pa maadtoi. Daw walay kataposan ang mga adtoanan nga dapit ug pagmugna og bag-ong mga handomanan.

Pananglitan, sa Sugbo pa lamang daan, pila ba ka dapit ang imo nang naadtoan? Sa laing bahin, pila ka lugar ang buot pa nimong suroyan? Kana lang daan, daw nag-ingon na ka nga daghan pang lugar ang wala nimo mataaki. Busa, Bisaya, panahon na nga molaag!

 

Bisita sa Isla sa mga Bisaya

Kon nagsige kag laag karon, ayaw kalimti nga ang mga silingan sa mga Bisaya, mapa-Visayas o Mindanao man, naghuwat lamang sa imong pag-abot. Ang mga tawo dinhi ning dapita init nga mohangop sa imong pag-abot.

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

Leave a Reply

Your email address will not be published. Required fields are marked *