Support Kadasig Aron Mas Daghang Kantang Binisaya

Nakadungog na mo niining mga kantaha: Balay ni Mayang, Labyu Langga, Bok Love, Duyog, Pa-pictura Ko Nimo Gwapo, ug Buwag Balik? Kon wala pa, naa koy feeling dili ka Bisaya o wala ka nagpuyo sa Sugbo. Kining mga kantaha mugna sa Vispop, usa ka Visayan songwriting campaign.

Kon wala pa mo nakadungog anang mga kantaha, kini kaha: Hahahahasula, Sa Akong Heart, Ang Pinakamaoyng Krismas Song, Puhon, ug Pero Atik Ra? Ang Hahahahasula mao ang labing sikat nga Bisayang kantaha sa atong panahon ug na-feature na kini sa Kapuso Mo, Jessica Soho dili pa lang dugay. Kini usab nga mga kanta kabahin sa Hahahahasula album nga pwede ninyong mapalit online.

Kon interesado mo, ang Hahahahasula album nag-consist og 10 ka Bisaya nga mga kanta nga kon inyong paliton for at least P500, mahimo na dayon kining donation alang sa Kadasig. Motuo ba mo nga ang 100% proceeds sa Hahahahasula digital albums paingon sa Kadasig? Sakto ang inyong nabasahan!

 

Unsa Ang Kadasig

Ang Kadasig usa ka crowdfunding project sa ang aim mao ang pag-release og 10 ka bag-ong Binisayang kanta karong 2017 nga i-launch matag buwan sugod Pebrero.

Gibuhat ang Kadasig aron ma-encourage ang mga Bisaya bisan asa pa mang dapit sa kalibotan nga mosuporta sa mga tighimo og musikang Binisaya pinaagi sa pagpalit og digital music ug mga merchandise.

Pinaagi sa Kadasig, makatabang kita aron mas mapalambo pa ang musikang Binisaya. Dili pa ka ana? Bag-ong 10 ka kanta gikan sa nagkalain-laing Bisaya nga may lain-laing genre.

 

Nganong Mosuporta sa Kadasig

Let us prove nga dili one-sided ang gugma sa mga musikang Binisaya. Sige ta og ingon nga support local, support Cebuano music, unya dili ta willing motabang sa pagpalambo sa musikang Binisaya financially bisan willing and able ta? Unsa gyod na klase sa gugma?

Sa pagsuporta sa Kadasig, we’re making history. Nindot ni aron ang mga Bisaya pila ka tuig karon dunay handomon nga mga kanta sa atong henerasyon. Sa pagkahinay og kasikat sa Bisrock, mipuli ang Vispop.

Ug ang Hahahasula usa ka kanta nga dili gikan sa Vispop apan misikat! Pasabot lang ini nga daghan pa diayng mga musikerong Bisaya nga naghuwat lamang nga ma-discover. Kini karon ang buot hatagan og higayon sa Kadasig.

 

Unsay Makuha sa Pagsuporta sa Kadasig

Sa pagsuporta sa Kadasig, daghan kaayong rewards nga pwedeng makuha, mga Bisaya! Gikan sa digital music, paingon sa t-shirt ug mga nagkalain-laing merchandise, pwede gyod na nimong makuha sa pagsuporta sa Kadasig.

Nakatabang na ka, nagka-souvenir item pa ka! Dili pa ka ana?

Unsaon Pagsuporta sa Kadasig

Kon finally naka-decide na ka nga motabang ug mosuporta sa Kadasig, pwede na ka mohatag sa imong donation online. Pwede kang mag-message sa Kadasig Facebook page o dili ba mo-donate sa The Spark Project official page sa Kadasig. Kon naa lang ka sa Cebu, modawat ang bisan asang branches sa Handuraw Pizza dinhi sa inyong donation.

Kon naka-donate na ka o kinahanglan ka og tabang, pahibaw-a ang Basta Bisaya team sa inyong donation pinaagi sa pag-message sa atong Basta Bisaya Facebook page. Daghang salamat, Bisaya!

Ikaw, hilig ba sad ka og musikang Bisaya?

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

9 Comments on “Support Kadasig Aron Mas Daghang Kantang Binisaya”

  1. Great initiative to boost the music industry sa mga Bisaya. Pirme ko makadungog sa songs, nindot bya jud and kusog kaayo maka-LSS. Lelz. I’ll let you know if I maka donate ko. I will share this too.

  2. Nindot gyud ning butanga nga may unta makatabang sa industriyang lokal! Maayo pod unta ug mas daghan pa ug mu-donar oy arun mu-lambo gyud kini. 🙂

  3. Maayo ni naprograma ug hinaut unta na molambo gyud ang Musikang Bisaya. Ganahan ko na makaabot sa adlaw na musikat ang atong mga musikero ug dili na kinahanglan “manlimos” sama sa panahon sa 70’s ur bisan dakada 80 na ang atong mga mga singer mga bangiitan kaayo sa tibook nasud.

Leave a Reply

Your email address will not be published. Required fields are marked *