Piolo, Enchong, ug Sun Life Tri-Team sa Ironman 70.3

Kahibawo ba mo nga kaniadtong Agosto 6, Dominggo, misalmot sa Ironman 70.3 Triathlon silang Piolo Pascual, Enchong Dee, ug ang tibuok Sun Life Tri-Team? Sakto ang inyong nadungog nga ang usa ka insurance company nagpamatuod lang kon unsa sila isip usa ka kompaniya. Lingaw hunahunaon nga atol sa Ironman 70.3 dinhi sa Sugbo, labihan kabibo tungod sa swim, bike, run nga adventures sa mga atleta!

Kaning Ironman 70.3 tinuig ni siya nga kalihokan ug gani hinungdan nganong daghang mga dalan sa Sugbo ang sirad-an matag tuig aron mohatag og higayon niining mga atleta nga mopakita sa ilang kabaskog ug kapaspas nga mohuman sa paglangoy, pagbisikleta, pagdagan. Payter kaayo ni sila ug unta ug taas kaayog ginhawa mga tawhana.

 

SUN LIFE TRI-TEAM

Mipakita si Kenneth Cobonpue sa iyang gidesinyo nga medalya alang sa makadaog sa Ironman 70.3 karong tuiga.

Ug usa gipaapil sa Ironman 70.3 ang mga atleta, mipahigayon ang Sun Life ug usa ka presscon diin ilang gipakita sa publiko ang ilang mga atleta. Kini nahitabo sa Shangri La Mactan. Dinhi ilang gipakita ang tibuok nilang Sun Life Tri-Team nga gilangkoban sa mga executives, advisors, ug brand ambassador sama ni Piolo Pascual ug Enchong Dee.

Pagkahuman niana, gipakita usab sa publiko ang medalya ug tropeyo nga madag-an. Gihimo kini ni Kenneth Cobonpue, usa usab ka Sun Life brand ambassador.

Ang Sun Life nanghinaot nga kini mahimong inspirasyon alang mga Pilipino nga ampingan nato ang atong mga kaugalingon ug paningkamotan nga mahimo tang baskog sa pag-atubang sa atong umaabot nga mga adlaw.

 

SUNPIOLOGY DUO

Dayon na gyod ang Sunpiology Duo human sa contact signing sa Sun Life Financial Philippines ug Sunrise Events Inc nga gipahigayon sa Shangri-La Mactan.

Ug padayon ang pag-focus aning kompaniyaha sa paghimo og mga kalihokan nga nag-promote og health and wellness sa mga Pilipino. Ang Sunpiology Duo nga gimugna sa Sun Life duna nay duha ka bahin: Sun Life Cycle PH ug Sun Life Resolution Run.

Kini mahitabo sa Bonifacio Global City sa Tuig karong Nobiyembre 18-19, 2017. Kini gimugna kauban ang Sunrise Events, Inc. nga nailhan na sa mga sports tourism and racing organization. Ang contact signing gipahigayon sa Shangri-La Mactan kaniadtong Agosto 12, 2017.

Alang sa dugang impormasyon, bisitaha lang ang Sunpiology Duo sa ilang Facebook, Instagram ug Twitter. Mamahimo usab sa ilang website sa www.sunpiology.com.

Mga Bisaya, active ba ang inyong lifestyle o pirme lang mong busy sa inyong mga trabaho ug pag-eskuyla?

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

Leave a Reply

Your email address will not be published. Required fields are marked *