Basta Libre: Siddhartha The Musical sa SM Cebu

Hilig ba mog libre, mga Bisaya? Ania ang maayong balita: dunay libre nga Siddhartha The Musical alang natong mga taga Sugbo ug naa karon dinhi!

Ipasundayag kini sa SM Cebu Cinema 1 karong umaabot December 8-12, 2016 sa alas 2 sa hapon (Matinee) ug alas 7 sa gabii (Gala). Sakto inyong nadunggan, libre kini alang sa tanan maong manan-aw ta ninyo na!

 

Unsa ang Siddharta The Musical

Ang Siddhartha The Musical sugilanon sa historical figure nga si Buddha. Sagad nato nakaila niya isip usa ka imahe nga makita sa mga templo ug figurine nga dunay mga gipangsulti nga wise words alang natong tanan.

Gamay lamang ang nakahibawo nga siya usa ka Enlightened One. Siya si Prince Siddhartha sa Shakya Clan sa India. Usa siya nanimuyo sa simpleng kinabuhi nga mas nailhan siya, anak siya sa usa ka hari. Dato siya ug buhong sa tanang butang. Nagsugod ang iyang enlightenment dinhang nakakita siya og kasakit ug inhustisya. Daghan siyang pangutana sa kinabuhi ug aron sa pagtubag niini, gibiyaan niya ang iyang pagkahari ug nanimuyo sa kinabuhi nga simple. Ang iyang journey hangtod sa kamatayon mao ang unod sa Siddhartha The Musical nga misaysay sa iyang kinabuhi pinaagi sa mga awit ug dula nga may tulo ka bahin.

Ang song lyrics gikan sa librong The Biography of the Sakyamuni Buddha ni Ven. Master Hsing Yun, founder sa Fo Guang Shan Buddhist Order ug the Buddha’s Light International Association (BLIA) nga mao usab ang produce sa dula.

 

Nganong Nindot Itan-aw og Siddhartha The Musical

Siddhartha The Musical is celebrating its 10th year and it’s 100th show this December 12. Wow! 👌😊

A photo posted by Basta Bisaya (@bastabisaya) on

Ang mensahe sa Siddhartha The Musical mao ang panaghiusa ug mga leksyon (nga gitawag og dharma) nga buot itudlo sa dula bahin sa naglain-laing tawo nga lahi og kolor sa panit, kultura ug relihiyon. Gani ang dula kay almost entirely Christian. Ug sa miaging tuig nag-celebrate sila og Pasko sa Buddhist temple sa usa ka Muslim nga nasod.

Ang Siddhartha Musical nga masaksihan karon nakaadto na og lain-laing nasod sa kalibotan. Miabot na kini sa Taiwan, USA, Singapore, Malaysia, Hongkong, Macau, New Zealand, ug Japan. Sa Pilipinas, gawas sa Cebu, na-stage na usab kini sa Manila, Iloilo ug Bacolod.

Ug ang Siddhartha The Musical collaboration usab kauban ang naghimo sa “Gugmang Giatay The Musical” nga si Jude Gitamondoc. Ang director niini mao si Sarah Mae Enclona-Henderson, usa usab ka Sugboanon. Ang choreographer nga si Vince Gaton ug costume designer nga si OJ Hofer mga Bisaya usab. Ang tibuok cast, crew ug production team garbo usab sa mga Bisaya. Dili pa ka ana?

 

Unsaon Pagtan-aw sa Siddhartha The Musical

Siddhartha The Musical Tickets

Finally, interesado na gyod ka mokuha og libreng ticket? Mayta og wala pa nahurot. Tawagi kining numeroha: 032-253-8144 ug ingna lang nga mokuha ka og ticket alang sa musical. Mamahimo usab nga mobisita ka sa Fo Guang Shan Chu Un Temple sa 246-3 V. Rama Avenue, Cebu City.

Unsa pa inyong gihuwat? Dali pa-reserve na sa inyong ticket ug manan-aw ta ninyo sa libreng Siddhartha The Musical sa SM City Cebu Cinema 1 karong December 8-12, 2016 sa alas 2 sa hapon ug alas 7 sa gabii.

GOOD NEWS: You can still get tickets at SM City Cebu Cinema 1 sa inyong most preferred schedule. Duna pay available nga mga tickets para ninyo. Adto na!

Kitakits, mga Bisaya!

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

9 Comments on “Basta Libre: Siddhartha The Musical sa SM Cebu”

  1. Waww libre!! Let’s gather the HIBsters and watch, hehehe. Nindot ni da kay life-changing and daghan ta matun-an. It’s nice na they made it free!

  2. Di gyud ko maoy hilig ug musicals pero inig naay oportunidad na makatan-aw, payts man gihapon. Di man sad ko close-minded mao malingaw man gihapon kos mga musical nga akong nakit-an atong mga niagi.

  3. I’ve known Siddharta Gauatama Buddha during my highschool years on our History class and it’s great to make it as play because the story is very interesting. Free tix are amazing! If time permits, I would’ve wanted to watch the play!

  4. Bilib kaayo ani nila kay usa na sila ka dekada. Dili lang sa entertainment value niya, nalipay sad ko na kaning Siddhartha nakahatag ug oportunidad sa mga Bisaya na nagbansaybansay sa sining. Daghan kaayog ni gradwar ani sa Musical na nadevelop gyug maayo ang ilang abildad ug salig sa kaugalingon.

Leave a Reply

Your email address will not be published. Required fields are marked *