Bisaya Food Trip: Mexican Goodness sa Red Lizard

Inyo bang paboritong pagkaon ang tacos, nachos, burritos, ug margaritas? Kon oo, segurado ko nga hilig ka og mga Mexican nga pagkaon. Sa Sugbo, dunay bag-o nga nag-open nga taqueria dinhi sa Cebu IT Park ug kini gitawag nga Red Lizard Taqueria.

Sa mga hilig og paspas nga Mexican goodness, nindot kaayo kon inyong i-experience ang among nasuwayan sa Red Lizard bag-ohay lang. Kon nakaadto na mo og Maya restaurant, parehas ni sila og tag-iya – ang The Abaca Group sa Cebu. Oo, naila ang Abaca Group nga mahal ang ilang mga pagkaon apan dili usab ikalimod nga fresh ug quality ang ilang mga gipang-serve ngadto sa ilang mga suki. Mao tingali ni nga successful kaayo sila sa ilang negosyo ug karon ang labing bag-o nilang offering mao kining Red Lizard.

Gutom, no?

Kompara sa ubang mga restaurant sa Abaca Group, ang Red Lizard ang giingon nga mao ang ilang pinakabarato. Ilang target market mao ang mga nagdali, gusto og lamian nga pagkaon, ug fresh nga ingredients ang gigamit sa ilang mga giusap nga pagkaon.

Sa dihang nibisita mi sa Red Lizard, among nakahinabi si Chef Patrick Corpuz, ang director sa Culinary Operations sa The Abaca Group. Ang hinungdan nganong barato ang ilang menu kay sagad sa ilang mga ingredients gikan mismo sa Sugbo.

Kon hilig mo og comic design, dapat gyod mo mobisita sa Red Lizard. Kon hilig mo og superhero, daghan kaayo sa wall sa Red Lizard. Malipay ka magtan-aw ug ang ambiance samtang naghuwat sa imong pagkaon ug samtang nagkaon mismo uban ang imong mga higala. Good news: dili ra kinahanglan nimo nga maghuwat og taman kay dali ra nga moabot imong pagkaon.

Gutom na, Kat? Sorry, mag-pictorial sa ta sa pagkaon. 😉

Siguradoa lang inig abot dili kaayo ka busog kay makapabusog gyod ang ilang pagkaon.

Dihang nibisita mi, among natilawan ang masa chips, quesadillas, pork belly texas taco, ug ang bongga nga Nachos Machos! Kon kani imong paliton, mabusog na gyod mo tibuok barkada. Pwede dayon ninyo pun-an sa Los Tacos Originales nga wala nako matilawi pero sunod balik na lang tingali nako.

Smile kay nabusog na, mga bes!

Sa among pagbisita uban nako ang mga food bloggers nga hilig og pagkaon. Taudtaod gyod mi usa nakasugod og kaon kay nalingaw og picture. Ang mga video gi-carefully create sad aron malingaw mo sa among experience sa Red Lizard.

For sure, mobalik gyod ko diri kon maglaag-laag ko sa Cebu IT Park. Sa mosunod nga mga buwan, duna na unya silay branches sa Ayala Center Cebu ug Robinsons Galleria Cebu aron mas daghang Bisaya ang makatilaw.

Laag nya mo diri sa Red Lizard, bay!

Ang Red Lizard open gikan sa alas 11 sa buntag hangtod tungang gabii, samtang ala una sa Biyernes ug Sabado. Alang sa dugang impormasyon, tawagi sila sa (032) 233-9879.

Tagged as: , , ,

Author: Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Motto: support local. Padayon!

6 thoughts on “Bisaya Food Trip: Mexican Goodness sa Red Lizard”

  1. Mexican food is now booming in Cebu. Kudos to that!
    Ngee, wala nako sa IT Park nag work. Maynta makavisit ko dere soon kay prize is reasonable plus nahan ko mokaon sa inyo gi eat:)

Leave a Reply

Your email address will not be published. Required fields are marked *