KADASIG: Ang Biyahe sa ‘Padayon’ ni Sherwin Fugoso

Sa atong tan-aw, sayon lamang ang paghimo og usa ka kanta. Magkuskos lang ka sa imong gitara unya pwede na kining matukar. Apan, sa tinuoray, sinugdanan pa lang ni sa usa ka biyahe nga dugay kaayo maabot sa usa ka version nga ipatukar dinha sa Spotify, Youtube, Facebook, sa Myx o radyo. Mas daghang kanta ang wala makaabot niining finish line ug kutob na lang gyod sa gitara tungod kay kulang sa kwarta.

Ingon ani ang nahitabo sa kantang “Padayon” ni Sherwin Fugoso. Kini karon ang unang halad sa Kadasig, kahinumdoman nga mao ang unang crowdfunding nga gibuhat aron magmugna og napulo ka bag-ong Binisayang kanta gikan sa nagkalain-laing Bisaya nga mang-aawit sa mosunod nga napulo ka buwan niining tuig 2017.

 

PANAW SA VISPOP 3.0

Ang kantang “Padayon” unang gisalmot sa tinuig nga Vispop. Sa ikatulong tuig niining songwriting competition, wala kini makaapil sa Top 6.

Matod pa ni Jude Gitamondoc unsay tan-aw niya niining kantaha dihang unang nadunggan, “Actually, nabantayan nako pag-screening nga ako ra’y sold out kaayo sa kanta. A little peek into what happens during a Vispop screening: Standard procedure is, while an entry is being played, screeners are expected to raise their hands when they’ve heard enough of the song. During the third round of screening, I made it sure the whole song is finished before I raised my hand, just to make sure the others get to the bridge part of the song (my favorite!). Unfortunately, that wasn’t enough to convince the majority. The song reached the pre-en banc stage. Nasayangan gyud ko. In fact, this became one of the driving inspirations why we’re doing Kadasig.”

Ug kutob lamang kining kantaha sa Top 20 ug matod pa ni Sherwin, “Okay ra gyod nga mawala makasuld sa Top 6. Dili man god to nako first time nga moapil. Okay unta masulod pero makalipay na nga nakaabot sa Top 20.”

Ug sama sa ubang contest, kon dili gani hiuyonan sa tanang judges, dili gyod makapadayon ang biyahe sa usa ka kanta. Ug mao kana ang nahitabo sa “Padayon” nga nahunong makadiyot ug mibalik sa iyang tag-iya.

 

PADAYON SA UNAHAN

Apan sa pagbalita ni Sir Jude kang Sherwin nga wala maapil ang “Padayon” sa Top 6, may gidungag siya, “Monster hit ning kantaha kon matarong lang og produce!” Ug dinhi nagsugod ang panaw sa kanta paghuman sa tinuig nga kontes sa pagsuwat og kanta.
Niini, nagdahom si Sherwin nga ma-produce gyod ang kanta apan wala siya kahibawo kanus-a.

Ang Vispop nahitabo sa Enero 2015 ug pag Oktubre sa samang tuig, naistoryahan ni Sir Jude kang John Cadeliña nga basin payter kon siya ang mokanta niining “Padayon.” Bisan wala gi-require, naghimo og demo sa kanta si John. Matod pang Sir Jude, “This was purely John’s initiative. He wanted to make sure that his voice fitted the song, so he recorded and sent us a vocal demo. Which really speaks of John’s great work ethic. But I had no doubts. I can hear John’s vocals perfectly matched with the grit of the song’s message even before he submitted a demo.”

Nagkaila na daan si Sherwin ug John niadtong Vispop 3.0. Ug bahin sa pag-interpret ni John sa kanta ni Sherwin, siya miingon, “Una nakong dungog sa kanta, ganahan kaayo ko sa tono, though not my cup of tea gyud ang maoy-maoy, but I told myself, ‘Why not?'”

Apan ang demo sa kantang “Padayon” ni John wala ma-release sa publiko hangtod miabot ang Kadasig sa miaging tuig.

 

UG MIABOT ANG KANTA SA KADASIG

Ug sa hinapos sa tuig 2016, namugna ang Kadasig, usa ka crowdfunding campaign nga buot mag-produce og napulo ka kanta sulod sa napulo ka buwan sa tuig 2017. Ug gani ang kantang “Padayon” ang usa sa inspirasyon nganong namugna ang Kadasig.

Ug nganong kini ang hulad sa Kadasig, si Sir Jude miingon, “It was the very first song Kadasig collected for the campaign. Wala sad tuyoa nga #PadayonBisaya ang usa sa atong gigamit nga tagline. But I’m a believer in serendipity. Some things are meant to be.” Ug dinha nagsugod ang ultimate hashtag nga atong ipa-trending, mga Bisaya!

As an Overall Producer, si Sir Jude mipadayon, “My work as Overall Producer was a breeze. I was very confident in everyone’s skills. I knew Sherwin wrote a superb song. And I knew John can produce the vocals very well, seeing how he worked his vocals on Pangandoy (demo) and Damgo (final recording). And of course, what else can one expect of THE Jad Bantug? Coordination ra gyud akong gibuhat.”

Sakto ang inyong nadungog. Si Jad Bantug nga nagbase sa Canada ang nagpanindot sa atong kanta nga madungog sa kahanginan karon. Alang niya, “I’m always excited to arrange new Bisaya songs, ilabi nag payter pa gyud ang kanta. Ang apan lang kay the more awesome the song, the more ko ma stress og areglo. But it’s the good kind of stress though.”

Kon buot mong makahibawo unsay nahitabo sa kantang “Padayon” atol sa tibuok proseso, mao kini ang gitug-an ni Jad, “John sent me several takes sa iya vocals. And my usual process is to audition each vocal take and frankenstein it into one seamless vocal track. Ang kalisod lang kung dili ikaw ang nag-handle sa actual recording session kay this editing process takes a bit more time than the usual. In Padayon’s case, payter man og delivery and performance si John sa iya recordings so his takes were all put into good use. Most of the edits I’m talking about are just the little technical details na bantayanan unta sa engineer or producer during a session. Usahay monipis gamay ang tingog ni John kay mo layo or ma off-mic siya, some vocal takes kay dili magtungod og buhi ang ending sa words, ug uban pa. These concerns are supposedly addressed during the actual recording session, but since LDR ni ang production sa Padayon, I did all the edits in post.”

Oo, sakto gyod ning LDR kay si Sherwin Fugoso taga-Agusan del Norte samtang si John Cadeliña taga-Davao, si Jad Bantug naa karon sa Canada, ug si Jude Gitamondoc nagpuyo karon sa Sugbo. Payter gyod ning mga Bisaya nga bisan asa pa man nabutang sa kalibotan padayon gihapon sa pagbuhat aron mapalambo ang musikang Bisdak!

Ug mao kini ang panaw sa “Padayon” nga angay ninyong bantayan ang tugtugaok sa manok sa sinugdanan:

 

Ingon ana diay ang nahitabo behind the song nga atong gikalingawan og kanta ron, no? Pagka-adventurous gyod aning songwriting journey, uy!

 

BAHIN SA KANTANG PADAYON

Kon abi ninyo bahin lang kining pagmaoy kantaha, mao kini ang giingon ni Sherwin bahin sa iyang awit, “Para sa akoa, ‘Padayon’ was and is a happy song. Gihisgotan nako diri ang moment diin nakahunahuna ko nganong mahadlok man ko mobuhi sa mga butang nga angay na dapat buhian. Ang inspiration gyud nko dili ang kasakit but ang kahapsay na mabatonan.”

Ug ania na ang final version sa kantang Padayon nga angay ninyong paminawon, mga Bisaya!

 

 

***
PS – Daghang salamat sa Kadasig sa pagpili sa Basta Bisaya isip official blogging partner. Yey! Padayon ta, mga Bisaya. 😀

Tagged as: , , ,

Author: Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Motto: support local. Padayon!

10 thoughts on “KADASIG: Ang Biyahe sa ‘Padayon’ ni Sherwin Fugoso”

  1. Nindut gyud ning mga musikang binisaya Rome. Maayo unta ug magpabilin gihapon ni sila sa umaabot nga henerasyon. Maayo unta ug dili kan-on sa systema sa K-Pop ug J-Pop ang atong mga kabantan-onan sa umaabot.

Leave a Reply

Your email address will not be published. Required fields are marked *