Padayon, 1st KAGIS Creative Writers Workshop!

Mga Bisaya, tigsuwat ba mo og sugilanon ug mga balak? Ning bag-ohay lamang, nagpatawag og call for submission ang BATHALAD Sugbo alang sa batan-on nga interesado nga mopalambo sa ilang pagpanulat. Dinhi, ang mga batan-on nagpadala sa ilang mga tampo nga mga sugilanon ug balak nga maoy hisgotan alang sa umaabot nga workshop.

Ania ang post sa KAGIS Bisaya:

 

KAGIS Fellows ug Observers

Ug ning bag-ohay lang, mipahibawo na ang BATHALAD Sugbo’s 1st KAGIS Creative Writers Workshop sa mga fellows ug observers nga napilian human sa masusi nga pagbasa sa ilang mga gipang-submit nga tampo.

Kuti ang proseso sa pagpangita sa mga deserving nga fellows ug observers gikan sa mga batan-ong mipadala og tampo tungod kay daghan ang may potensiyal gyod nga mamahimong ngilngig nga magsusulat sa umaabot.

Sa kataposan, ang pundok nagkasinabot nga mao kini sila ang mga batan-on nga hatagan og talagsaong higayon nga ma-critic ang ilang mga sinulat nga sugilanon ug balak sa Binisaya ug Iningles. Sagad sa ilang mga tampo dili perpekto sama sa ubang mga batan-on apan sila ang may dakong paglaom nga mamahimong banggiitan puhon.

Ania na ang swerteng mga batan-on nga maapil sa exclusive nga writing workshop sa Cafe Capriccio:

Ug karong umaabot nga Abril 8-9, 2017 ipahigayon na gyod ang BATHALAD Sugbo’s 1st KAGIS Creative Writers Workshop sa Cafe Capriccio, Lahug, Sugbo. Duha kini ka adlaw diin ang mga sinuwat nga sugilanon ug balak hisgotan ug kulitogon dili aron tamayon apan aron mahibaw-an sa tanan unsay angay kat-onon sa pagpanulat. Ang ilang mga sinuwat giniyahan sa mga bangiitan nga panelist nga sila si Butch Bandillo, Erlinda Alburo, ug Richel Dorotan.

Way duda, usa kini ka weekend nga dili kalimtan niining mga batan-on. Sama nila, miagi sad kog writing workshop sa minglabayng mga tuig ug hangtod karon dili gyod makalimtan ang akong mga nakat-onan niadtong mga ngilngig nga panelist. Dili ni sila nato makit-an matag adlaw ug makaistorya dinha sa dalan tungod sa ilang ka-busy apan mipahigayon gyod sila og oras aron magiyahan ang mga tamsi sa pagpanulat.

 

Cebu Poetry Night: Lakang

Ug sa pagtapos sa duha ka adlaw nga writing workshop uban ang mga fellows ug observers, dunay ipahigayon nga basabalak kun poetry night nga bukas alang sa tanang interesado maminaw ug mopaambit og balak nga mamahimong basahon o sag-uhon.

Kon wala kay buhatonon karong Abril 9 sa gabii, magkita-kita ta sa Cafe Capriccio, higala.

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

5 Comments on “Padayon, 1st KAGIS Creative Writers Workshop!”

  1. Nice initiative. It’s great to give opportunities to the artists who are truly passionate with their craft. I bet it’s gonna be a fulfilling workshop for them and something that can help them improve.

  2. Nindot bitaw gyud kaayo kini nga inisyatibo arun madiskubre sa daghan ang ka-maayo sa sinuwatan sa mga Bisdak! Daghan daghan pod kog mabantayan nga maayo musuwat pero wala lang gyuy tarong nga platform para ma-baid ang ilang art.

Leave a Reply

Your email address will not be published. Required fields are marked *