Alang sa Henerasyon nga Nabuang sa Selfie

Sa bag-ong henerasyon giingon nga kon wala kay piktyur nianang higayona, wala na mahitabo. Kinahanglan duna kay panghimatuod sa imong mga gibuhat o walay motuo nimo. Pila ba kaha mga Bisaya sa mga batan-on karon ang naka-post na og selfie sa Instagram o dili ba sa Facebook? Sa laing bahin, pila kaha ka mga dunay account sa social media ang walay bisan usa man lang ka selfie sa ilang mga hulagway?

Sa pag-abot sa teknolohiya, nausab ang dagan sa kinabuhi sa tawo. Sa una, simple lamang ang tanan. Walay smartphone. Walay internet. Walay Instagram. Walay Facebook. Walay selfie. Kahinumdom pa to adtong mga higayon nga may presyo ang pag-imprinta sa matag hulagway? Kon ikompara karon nga ang usa ka selfie o retrato adunay kapin sa napulo ka shot kon piktyuran na.

Dili na maihap ang mga selpon nga dunay camera sa atubangan. Gani, alang sa uban, ang selfie nahimo na mang sa’min matag karon ug unya. Ang selfie nga nakuha nahimo na usab nga social proof alang sa kagwapo ug kagwapa sa usa ka indibidwal. Giingon nga si kinsa ang walay selfie karon magbasol sa paglabay sa pipila ka tuig.

Apan, ang pangutana nagpabilin: moabot kaha ang panahon nga mapul-an ang mga tawo, ilabi na ang Bisaya, sa pagkuha og selfie? Sa henerasyon nga padayon ang pagdokumento sa matag panghitabo murag imposible na gyod tingali nga mapul-an ang mga tawo sa pagkuha og hulagway sa ilang mga dagway.

Kon imong tan-awn ang Instagram ug utingkayon ang hashtag nga #selfie, imong makit-an nga kapin 298,463,662 ang mga hulagway nga naggamit niining terminoha. Ug ang mga nag-unang mga hulagway gikan sa mga batan-on nga naadik sa pagkuha og hulagway sa ilang kaugalingon.

Walay daotan sa pagkuha og hulagway. Apan kinahanglan ba nga i-upload sa social media ang matag hulagway nga nakuha sa kamera? Sa pagsawop sa adlaw, natibuok kaha ang adlaw niadtong mga nag-post og hulagway sa mga likes ug comments nga ilang nadawat gikan sa ilang mga digital nga higala?

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

8 Comments on “Alang sa Henerasyon nga Nabuang sa Selfie”

  1. Pics or it didn’t happen… HAHAHAHA It’s keeping memories in a digital way. 😀 I prefer that specially nako nga kalimtanon kaayo ug mga panghitabo. HEHEHE

  2. Dili gyud kaayo ko tig selfie. Pero okay ra jud nako ang mga taw mag selfie unya i-post sa social media. Ilaha pud nang kalipay. Basta wala lang silay ma offend, wa ra gyud problema.

  3. Mawala siguro ang selfie kung naay mu-uso napud na trend. Pero this was already happening sukad sauna pajud but we never know what could’ve happen!

  4. Although ang akong social media accts kay less photos ra gyud sa akong nawong, malipay sad ko magtan-aw sa selfies sa akong mga families and friends and fave celebrities. But if ilahang nawong nalang ang magbaha sa akong feed, aw that’s a different story. Haha. I might unfollow. I actually unfollowed some people na halos selfie nalang tanan. As they say, too much of something is bad enough.

  5. I had selfie before when ang camera pa nako is Kodak, no preview screen and all. Hahaha naka ingon ko nga “I did selfie before it was cool” haha char. Pero these days, mag selfie ko kana nalang random times or nindot akong makeup aw haha. And because yes, pic or it didn’t happen!

Leave a Reply

Your email address will not be published. Required fields are marked *