Luyo sa Viral nga #DonateYourPlasticFriends Campaign

Duna ba moy collection sa mga plastic bag sa inyoha? Pwede kaayo na ninyong i-donate sa project diin ang mga plastic bags himoong water-resistant nga bags pinaagi sa technology nga gitawag og heat press! Sulod lamang sa pila ka oras, daling nag-viral ang gi-post ni Marriel Colaljo sa Facebook bahin sa iyang pagpangayo og tabang sa iyang mga higala aron madaghan ang iyang mga nakolektang plastic.

Kapin na sa 7,000 ang ni-like sa picture ug hapit na mag-2,000 usab ang shares nga nakuha. Wala pa kini labot sa gi-post nga duha ka picture sa Basta Bisaya nga nag-encourage usab sa mga Bisaya nga mo-donate sa ilang mga plastic bags ngadto sa project. Tungod sa grabeng response sa mga Bisaya, nahimo na usab dayon ang event nga “Donate Your Plastic, Friends!” aron mas daghan ang makahibawo bahin niining project ni Marriel.

 

Ang Nag-organize sa Project Plastic Bags

Sigurado ko nga kahibawo na mo nga usa ka graduating Fine Arts Product Design student sa UP Cebu si Marriel Colaljo. Buwan sa Marso, Women’s Month. Tayming kaayo nga usa ka babaye karon ang nidawat sa challenge nga sulbaron ang problema sa plastic pollution. Usa siya ka “no plastic as much as possible” person tungod kay nagdako siya sa usa ka pamilya nga environment-friendly usab.

Ingon ang iyang Ate, si Marriel usa ka klase sa babaye nga kahibawo unsay iyang gibuhat. Dali siya ma-disappointed apan kon dunay motabang niya, dali ra sad mabalik ang iyang pagka-positive nga mahuman ang kinahanglan niyang buhatonon.

Ug kining pagkolekta niya og mga plastic bags nga wala nay gamit mao ang napili niya nga thesis tungod sa iyang advocacy.

 

Nganong Kini nga Project Iyang Gipili

Ang problema nga buot hatagan og solusyon ni Marriel mao ang plastic pollution. Sa kadaghang plastic bags, sando bags, ug mga loofas nga naa sa mga tawo nga wala nay gamit, asa man padulong? Kon sa basurahan pila pa kini ka tuig usa ma-decompose. Mas nindot kon ma-recycled na lang.

Nagsugod gyod ning tanan dihang nahibaw-an ni Marriel nga dunay heat press machine ang Fablab Bohol. Tungod sa tabang sa DTI ug JICA volunteers nga naa karon sa Fablab Bohol, mao kini ang napilian ni Marriel nga himoon nga thesis. Ang iyang buhaton: mag-collect og mga plastic nga i-heat press aron mahimong bag-ong material. Sa pagkakaron, maghimo siya og bag. Ang iyang hatagan og solusyon mao nga dapat nindot ang mamugna nga bag ug dali lamang kining mahimo sa mga nagpuyo duol sa Fablab Bohol aron mahimo nilang livelihood.

 

Unsay Atong Matabang, Mga Bisaya?

Kon duna moy mga plastic bag sa inyo nga wala na gamita, pwede kaayo na nga inyong i-donate ani nga project. Imbes nga ilabay na lang, pwede na natong mahimong bag-ong butang nga lig-on ug magamit sa uban.

Sa pagka karon, pwede ninyong ibilin ang inyong mga plastic bags sa UP Cebu Guard House, sa bisan asang branch sa Handuraw, o dili ba ma-contact ninyo si Marriel alang sa meetup ba kaha.

Kon interesado ka o ang imong organisasyon, pwede usab nga mo-contact ka namo aron ma-announce nato nga pwede sad nga dinha nimo nila ihatag ang ilang mga nakolektang plastic bags.

 

Kaugmaon sa Project Plastic Bags

Sa dihang akong gipangutana si Marriel niining iyang project, duna na siyay plano. Una, pwede kining himoong livelihood sa katawhan ilabi na sa duol sa Fablab Bohol. Ikaduha, pwede usab kini apilan og charity act. Apan sa pagkakaron ang detalye dili lang usa ipahibawo. Makahibawo ra kitang tanan sa tukmang panahon.

“Long term gyod ni siya nga project,” mao kini ang vision ni Marriel Colaljo sa iyang project. Apan hinay-hinay lang usa nga i-materialize unsay angay buhaton. Kon may igo nang makolektang plastic, moadto siya sa Bohol aron pagsugod na gyod sa iyang tinuod nga challenge: ang paghimo og design nga lig-on nga comfortable sa mga mosul-ob sa bag.

 

PS – Alang sa dugang impormasyon bahin sa #DonateYourPlasticFriends project, bisitaha lamang ang Facebook event page. Kon duna kay plastic bags sa inyo o gusto nimong motabang og collect, pwede kaayo na, Bisaya! 

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

12 Comments on “Luyo sa Viral nga #DonateYourPlasticFriends Campaign”

  1. I really like this project kay lisod kaayo ikeep ang mga plastic bags. Daghan mi ana dinhi sa balay but we use it as trash bins sa kitchen pud. Nice sad jud ang idea na himuon ug bag na both cool ang design and comfy para daghan mupalit and daghan makinabang.

  2. I really love the concept. I hate plastics as well kay aside sa dugay malata, di maayo sunogon. Maygani naa ning in-ani nga campaigns to recycle plastics. (Y)

  3. This really got me kay mura jud syag “donate your plastic friends” ahaha comma matters jud! Anyway, this is a really great move jud to get rid of plastics and effectively put them to use. Kudos to her!

  4. Kung pwede pa lang gyud ma-apil ug donate akoang mga plastic nga friends! Hahaha. Pero seriously bitaw, nindot sad ni na initiative. May nalang bisag unsa man ka-gamya, makatabang gihapon ba. Ug hinaot mahimo gyud ug successful ni nga proyekto.

  5. Nindot kini nga proyekto ug unta magpadayon kini ug molambo sa umaabot nga kapanahonan. Nindot kaayo ang end product. Kung supportahan kini s kadaghanan, ma minusan na gyud ang mga nagbara nga mga plastic sa atong mga kanal. imburnal. Kung pede pa lang unta i donate sad ang mga plastic nga tawo, makuhaan na sad unta ang mga mang lutaw nga tawo sa atong palibot – sa silingan, sa opisina ug sa mga nagpakaaron-ingnong mga kahigalaan. 🙂

Leave a Reply

Your email address will not be published. Required fields are marked *