Balik Bata sa ‘You’re A Good Man, Charlie Brown’ sa Cebu

Andam na ba mo balikan ang inyong pagkabata, mga Bisaya? Karong Pebrero, dili lamang Valentine’s Day ang angay atngan nga panghitabo. Dunay “You’re A Good Man, Charlie Brown” sa SM City Cebu karong Pebrero 17-19, 2017 nga bukas alang sa tanang gustong handomon ilang pagkabata ug mokatawa sa mga minamao-maong kabuang.

Aniay lima ka butang nga angay ninyong mahibaw-an bahin sa “You’re A Good Man, Charlie Brown”, mga Bisaya:

 

1. Ang ‘You’re A Good Man, Charlie Brown’ usa ka 1967 musical comedy!

Kon wala pa mo nakadungog ani nga musical comedy, ang angay ninyong mahibaw-an nga ang music ug lyrics sa ‘You’re A Good Man, Charlie Brown’ mugna ni Clark Gesner, ug base sa characters sa Peanuts nga comic strip ni Charles Schultz.

Ang tibuok gang sa Peanuts makita dinhi. Naa si Lucy nga hopeless romantic sa iyang gugma kang Schroeder nga medyo dili kaayo inspired niya. Naa sad si Sally nga perfectionist nga binuangan si Linus. Si Snoopy ang doghouse ug si Charlie Brown mismo. Sa revised version niini, dunay bag-ong music ug lyrics si Andrew Lippa ug dialogue si Michael Mayer apan mao gihapon kalingaw nga musical play nga inyong kahimut-an ug kapahiyoman.

Ania ang sample sa kantang “My New Philosopy” nga ilang gikanta atol sa ilang presscon bag-ohay lamang:

 

2. Kini gimugna sa Vaudeville Theatre Company, usa ka Sugboanong musical theater company.

Ang labing bag-o nga musical theater company dinhi sa Cebu, Philippines mao ang Vaudeville Theatre Company diin mga tatak Bisdak ug proud Bisaya ang cast!

Gimugna kini kaniadtong 2016 ni Penny Ong, usa ka Cebuana nga theater and performiing arts enthusiast nga dunay 15 ka tuig nga experience sa directing ug teaching. Nalambigit na siya sa nagkalain-laing Broadway musical ug ballet show sama sa Charles Dicken’s Christmas Carol, The Wizard of Oz, Mulan, Into the Woods, Dr. Seuss Seussical, Pinocchio, ug The Nutcracker.

Ang ‘You’re A Good Man, Charlie Brown’ mao ang debut production sa pundok. Angay kining atngan sa mga Bisaya karong Pebrero, di ba?

 

3. Mga Bisaya ang cast ug crew sa ‘You’re A Good Man, Charlie Brown’ nga taga Cebu.

Sakto ang inyong nadungog! Kining adopted nga musical mugna sa mga Bisaya nga mapasigarbohon sa ilang pagka Bisaya. Usa gyod kana ka maayong balita!

Ang choreography sa musical play mugna ni Vincent Paul Diez Gaton, ang samang musical director sa You’ve Been Facebooked, The Musical ug Gugmang Giatay. Ang musical director niini mao si Jude Gitamondoc nga 2-time Awit Award-winning songwriter ug usa sa mga haligi sa kalamposan sa Vispop ug bag-ohay lamang nga Kadasig. Kini usab ang 15th nga directorial work ni Penny Ong nga nagsugod og musical productions ug short films kaniadtong 1999.

Ang tibuok cast usab niini mga proud nga Bisaya. Multi-talented ni silang mga bataa nga dunay future gyod sa musical theater. Kita malaomon nga mopadayon pa kabibo ang musical theater dinhi sa atong dakbayan.

 

4. Alang sa tibuok pamilya ang ‘You’re A Good Man, Charlie Brown’ nga buot mokatawa.

Kon abi ninyo alang lamang kini sa mga bata, nasayop kini. Welcome kaayo tanan nga nagdako sa Peanuts generation ug kadtong mga hilig maminaw og smart jokes. Kining maong musical play alang usab sa mga gustong ma-in love o nagmaoy sa ilang Valentine’s nga wala pa moabot. Ug alang gyod usab kini niadtong mga mahimuot magtan-aw sa mga batan-on nga nagpakabata on stage ug magkanta-kanta nga daw walay mga problema.

 

5. Mapalit ang ticket sa nagkalain-laing lugar dinhi sa Cebu.

Ang tickets alang sa ‘You’re A Good Man, Charlie Brown’ mamahimong mapalit sa Vaudeville Theatre Company Office sa Ground Floor, Tango Plaza Bldg. (in front of Redemptorist Church), Queens Road, Cebu City gikan sa Lunes hangtod Sabado, alas 10 sa buntag hangtod sa alas 7 sa gabii. Alang sa Matinee Free Seating tickets, mamahimo kining mapalit sa nagkalain-laing branches sa Shakey’s Pizza (IT Park, SM City Cbeu, Ayala Center Cebu, ug Robinsons Cybergate Cebu).

Mao kini ang show time ug tagpila ang ticket nga ipasundayag sa SM City Cebu Cinema 1:

 

GALA

February 17, 2017, Biyernes, 7:00 PM
Free Seating: P500 | Reserved Seating: P800

February 18, 2017, Sabado, 7:00 PM
Free Seating: P500 | Reserved Seating: P800

 

MATINEE

February 18, 2017, Sabado, 2:00 PM
Free Seating: P300 | Reserved Seating: P500

February 19, 2017, Domingo, 2:00 PM
Free Seating: P300 | Reserved Seating: P500

 

Unsa pay atong gihuwat dinha, mga Bisaya? Palit na og ticket ug magkita-kita ta ninyo karong Pebrero! Kitakits, mga Bisaya!

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

4 Comments on “Balik Bata sa ‘You’re A Good Man, Charlie Brown’ sa Cebu”

Leave a Reply

Your email address will not be published. Required fields are marked *