Special Buffet Discount sa Garden Cafe, Cebu Marriott

Hilig ba ka og buffet? Kon lami ang pagkaon, moundang kaha ka og kaon? Nakasuway ba ka og kaon sa Cebu Marriott? Kahibawo ba mo nga kon inyo ning ipakita ang akong blog nila duna moy discount dinhi?

GOOD NEWS: Sakto ang inyong nadunggan, kon inyo ning ipakita sa Cebu City Marriott Hotel ug ingnon ninyo nga mo-avail mo sa “Blogger Rate” dako kaayo ang inyong matipid! Yes, maka-avail mo tanan sa imong barkada o imong pamilya ani nga special rate or, in simple terms, discount!

 

International Lunch Buffet

Usa ka adlaw, nangadto mi og Cebu City Marriott Hotel (kanang hotel tupad sa Ayala Center Cebu) aron mangaon. Ang ilang International Lunch Buffet matag Domingo dumogan sa nagkalain-laing pamilya.

Sa among pag-abot daghan kaayo ang mga pagkaon. Sigurado kong dili nimo mahurot tanan apan pilia gyod ning mga pagkaon nga dili lang dali mapalit sa uban. Tilawi ilang special corners ug ayaw kalimti og picture isip memory sa pagkaon nga mahilis sa imong tiyan puhon.

Sa akong pag-adto, mitatak gyod ang Mongolian Stir Fry Pasta and Noodle Station. Kahibawo ba mo nga dinhi mag-request mo sa Chef unsa nga pasta ang inyong gusto. Kon vegetarian mo, pwede kaayo na. Lain-lain ang klase ug matag higayon bag-ong expertise ang mabuhat ni Chef Paulo.

Sa amo, ang iyang gimugna Lechon Pasta! Ganahan ko sa flavor niini kay mi-complement gyod ang pasta sa lechon flavor. Ang nakanindot sad dinhi kay paningkamotan gyod nila nga ang as an international buffet, dili lang puros foreign ang ilang kaya. Pwede sad kaayo ang local! Tungod sad ni kay daghan ang mga foreigners nga mokaon dinhi ug mga nag-stay sa Marriott Hotel.

Ug kay buffet, namunit mi sa mga pagkaon nga kaya sa among tiyan.

Nakatilaw na mo og Chicken Adobo in Tortilla Wraps? Si Chef Nestor mipasigarbo sa iyang creation usab nga dili lang lami, Pinoy kaayo pa ang flavor!

Ako man god hilig kog mga pagkaon nga Bisdak, nga kaila akong dila. Apan sa kadaghan sa choices nimo, ang imong buhaton lang gyod mao ang pag-request sa mga Chef unsa ang imong gusto kan-on.

Pagkahuman og kaon, si Chef Aisha mipakita sa iyang specialty nga dessert nga for the first time lang niya gihimo: ang Do-It-Yourself (DIY) Mixed Fuits Dessert in Chef Aisha. Dunay latik ug belgian chocolate nga sawsawan nimo sa mga deep-fried nga prutas sama sa saging, apple, mangga ug watermelon. Kon abi nimo weird ang prutas pritohon, sayop ka. Lami kini ug labi pa nga dunay sawsawan nga tam-is usab, sulit na kaayo ang among lunch buffet!

Kon unsa imong gusto, murag duna gyoy choice dinhi para nimo sa Garden Cafe sa Cebu City Marriott Hotel.

 

Regular Buffet Rates and Schedule

Kon naka-decide na mo mokaon sa Garden Cafe, mao ni ang schedule ug rates nga angay ninyong mahibaw-an.

International Lunch Buffet
Monday – Friday and Sunday I 12:00 – 2:30
PHP 850 net per person
Flavors of Asia – International Dinner Buffet
Sunday – Thursday I 6:00 – 10:30
PHP 1,200 net per person
Friday Night Seafood Buffet
6:00 – 10:30
PHP 1,600 net per person
Saturday Night Prime Rib Buffet
6:00 – 10:30
PHP 1,400 net per person

 

Special Blogger Discount

Mao kini ang good news sa Marriott alang ninyo, mga Bisaya. Tungod kay nibasa mo ani akong blog karon, ug isip paghatag og pasalamat sa inyong suporta sa Basta Bisaya, aduna mi ihatag ninyo nga special blogger rate aron mas barato ang inyong pagkaon dinhi.

Mao kini ang “Blogger Rate” sa Garden Cafe sa Cebu City Marriott Hotel:

 

International Lunch Buffet
Monday – Friday
12:00 – 2:30 PM
PHP 499 net per person only (regular rate PHP 850)

 

Flavors or Asia – International Dinner Buffet
Monday – Thursdays and Sunday
6:00 – 10:30 PM
PHP 649 net per person only (regular rate PHP 1,200)

 

Unsay buhaton aron maka-avail ani? Ipakita lamang kining blog inig bayad nimo. Discounted na imong buffet. Kon duna kay kauban, ang tanang kauban nimo maka-avail usab ani nga discount. Take note that as of the moment, this offer is valid until March 31, 2017 June 30, 2017.

Kini nga promo ma-avail usab sa mga nagtrabaho ug nagpuyo sa Cebu Business Park ug Cebu IT Park. Usa ra ka ID ang kinahanglan aron maka-avail ani nga promo.

Daghang salamat ug unta mabusog mo sa lamian nga buffet sa Garden Cafe, mga Bisaya!

Tagged as: , , ,

Author: Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Motto: support local. Padayon!

34 thoughts on “Special Buffet Discount sa Garden Cafe, Cebu Marriott”

  1. Nindot ni nga idea da! Dako gyod ni ug ikatabang hilabi na sa mga Pinoy nga hilig ug buffet. Naka huna-huna gyod ko nga musuway ug kaon sa Cebu Marriott kauban ang akung pamilya kay pictures palang daan mabusog nami unsa nalang kahag tinud-anay nagyod nga kaon. Pili-an man to-od kog pagkaon pero mogawas gyud ang akong ka kuryuso na motilaw ug dili familiar na pagkaon.
    Lahi ragyod kung pagkaon sa mga Bisdak oy! Ganahan na hinoon ko mutilaw sa Chicken Adobo in Tortilla Wraps ni Chef Nestor da!
    Hooraay! kay discounted pagyod diay kung ipakita rani nga blog.
    Daghang Salamat!

  2. Yehey discount! What if lima mo mangaon? Pwede ra isa ang mupakita ani nga post? Hehe. In fairness, lami gyud ila food tan-awon (wa pa man ko katilaw) and nice kay naa silay blogger rate.

  3. Ohoy! Kasuway nako diri. But for me, expensive ra sya and wala kaayo koy nakita na Jap food! Or basin kato ra pag adto nako (went and ate there twice). Huhu! But wow, blogger rate pa, nia taga CBP pajud ko ga work. Oraaayts! Nice nice!

  4. Dako-a sa discount oyy! 😱 Almost man 50% man. Salamat ani nga good news, timing kaayo naa koy kaila nga mag birthday next week. Basin ganahan siya mutilaw diri (maynta malibrehan sad ko huhu).

  5. Lamia ani diri uy. Pwede double discount? Blogger + taga IT Park? hehe

    Bitaw, naa pay time para mangaon mi dinhi. Mangita kog kauban. Damayay na ni.
    Pero seriously, nice kaayo kay naa silay discount.

Leave a Reply

Your email address will not be published. Required fields are marked *