Adto Tas Blogging Workshop Alang Natong Mga Bisaya!

Gusto ba ninyong makat-on unsaon ang pag-blog gikan mismo sa mga iladong blogger dinhi sa Sugbo? Mga Bisaya, magkita-kita ta sa blogging workshop alang natong mga Bisaya! Usa kini ka hapon diin ang mga Bisayang blogger mohatag sa ilang oras aron pagtudlo sa sunod nga henerasyon sa mga blogger.

Kini gitawag og “Blogging For First-Timers: A Basic Workshop for Aspiring Bloggers” nga ipahigayon sa Handuraw Mango karong umaabot Hulyo 29, ala una sa hapon hangtod sa alas sayis.

Niining adlawa, dunay tulo ka butang nga hisgotan. Kon ang usa aspiring blogger makat-on niining tulo, mas dali na siyang makapadayon sa unahan. Tinuod, ma-Google lang ninyo ning ilang mga hisgotan apan dili ba mas nindot gihapon kon duna dayon moy kapangutan-an kon maglibog na sa tubag dinha sa inyong nakit-an sa internet? Binase sa ilang kaugalingong mga experience, mopaambit ang mga kauban natong blogger sa ilang kahibalo bahin niining mga butanga.

 

Blogging for First-Timers

Alang sa inyong kasayoran, mao kini ang mga hisgotan atol sa blogging workshop, mga Bisaya. Kon matun-an na ninyong mga butanga, mas maayo. Mas nindot kon duna moy giandam nga pangutana aron mas bibo ang diskusyon.

How to Start a Blog
(Speaker: Rome Nicolas of Basta Bisaya)

Ang una natong hisgotan mao kining pagsugod og himo og blog. Alang sa mga wala pa gyod nakasugod, niining hapona mamugna na gyod nato ang imong blog. Tabangan nato og kulitog ang internet aron masugdan na nang inyong kaugmaon sa blogging, mga Bisaya.

How to Establish your Online Presence
(Speaker: Philip Andrew Mayol of Cebu Finest)

Inig human, isunod nato ang paghimo og strategy alang sa usa ka epektibo nga paagi aron mailado ang inyong gimugnang blog. Karong panahona, ang blog ninyo mao ang kataposang destinasyon apan daghan tang mabuhat aron maabot dinha ang inyong mga magbabasa.

Smartphone Photography for a Blog
(Speaker: Katherine Annika Cutar of Nested Thoughts)

Mas nindot ang usa ka blog kon daghan og nindot nga hulagway nga gisalmot. Tungod niini, magbilin tag mga tips nga mamahimo ninyong mabuhat ug magamit alang sa inyong blog ug sa social media, mga Bisaya.

 

Unsa pa inyong gihuwat? Pa-register na, mga Bisaya. Alang sa dugang impormasyon, tan-awa kining Facebook event sa blogging workshop.

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

Leave a Reply

Your email address will not be published. Required fields are marked *