Kadasig ug IslaTunes: Kaugmaon sa Musikang Binisaya

Sa mga nangutana kon duna pa bay future ang Bisaya Music, igo na lang kong motando tungod sa maayong balita karong 2016. Ang project Kadasig usa ka paglaom nga nahitabo alang sa musikang Binisaya.

Ning bag-ohay lang sad, gilunsad ang IslaTunes nga usa ka online streaming application diin hatagan og importansiya ang homegrown music. Pagkanindot aning balita!

 

Extended ang Kadasig!

Ang Kadasig usa ka project diin mag-crowdfund og P300,000 aron maghimo og 10 ka bag-ong kanta ug himoan kini og music video alang sa tanan. Dili lalim maghimo og musikang Bisaya maong pinaagi sa Kadasig, nangayo og tabang ang team Kadasig aron kitang mga Bisaya mosuporta sa kaugmaon sa atong kaugalingong musika.

Kon na-delay imong sweldo, ania ang MAAYONG BALITA: Extended ang pagsuporta sa Kadasig hangtod sa Enero 31, 2016.

Tungod sa extension, may chance pa ka nga mosuporta sa Kadasig, Bisaya! Mosugot ba ka nga ang OPM mahimong puros Tagalog na lang? Ang Binisaya usa usab sa mga pinulongan natong Pinoy ug mas nindot nga mas daghan pang musikang Binisaya nga mabuhat ug kalingawan natong kanta ug paminaw! Di ba?

READ: Support Kadasig Aron Mas Daghang Kantang Binisaya

Aron makatabang ug mo-support sa Kadasig, basaha ang artikulo sa ibabaw. Dinhi gisulti unsay pulos sa pagsuporta sa Kadasig ug unsay makuha kon mosuporta kita sa kaugmaon sa musikang Binisaya!

 

Makadungog Ka og Bisaya Music sa IslaTunes

Ang IslaTunes usa ka online streaming app nga ang “homegrown music” mao ang hatagan og pagtagad. Imagine: may panimalay na ang musikang Bisaya! Ang mga kanta sa Kadasig anhi unya madunggan.

Ang FPT Software Philippines nakigkauban nilang Jude Gitamondoc (Kadasig) ug Cattski Espina (22 Tango Records) aron matuman kining paglaom alang sa musikang Binisaya. Pinaagi sa IslaTunes, mapakita na unya ang mga musikang Binisaya (Bisaya Music) ug minugna sa mga Bisaya mapa-Binisaya o Iningles man.

Pagkanindot kaha no kon madunggan na ning mga bag-o ug karaang kanta ug music video sa usa lamang ka app! Mora na siya og Youtube + Spotify alang sa mga Bisaya. Karong 2017, ma-download na kini sa PlayStore.

Tungod kay worldwide ang audience unya sa IslaTunes, sa giingon na, dili lamang Binisaya ang mga kanta niini. Pwede sad kaayo English o Tagalog o bisan unsa nga OPM. May luna na unya ang mga musikerong Bisaya sa natad sa teknolohiya!

Tagged as: , , , , ,

Author: Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Motto: support local. Padayon!

4 thoughts on “Kadasig ug IslaTunes: Kaugmaon sa Musikang Binisaya”

  1. Nice and IslaTunes dapat naa sad tay local na kompanya na maghimo ug sistema na pareho sa Grab ug Uber.

    Ang Kadasig nindot gyud suportahan pero kinahanglan na mangita gyud silag paagi na magpagawas ug de kaliadad na musika na haum dili lang sa kabataan kun dili sa katiguwangan sad kay ang tinood mas mupalit pa ug musika ang katiguwangan kaysa sa mga bata na kabalo lang modownload ug kopya sa musika. 🙁

Leave a Reply

Your email address will not be published. Required fields are marked *