Bisaya Food Trip: Alice Garden Cafe and Resto Bar

Kompleto ang tibuok barkada ug andam na nga mokaon sa panihapon nga gidalit sa Alice Garden Cafe and Resto Bar!

Kon hilig ka og pagkaon, siguro dunay mga higayon nga kon makakita ka og bag-ong pagkaonan, imo gyod nang tilawan. Pananglitan, kon moagi ka sa Wilson Street sa Lahug (kanang unahan sa Pino, Burrows ug Fujinoya), unahan ana nahimutang ang usa ka Japanese-Italian restaurant nga gitawag og Alice Garden Cafe and Resto Bar.

Usa ka gabii niana, giimbitar mi sa tag-iya nga mobisita sa iyang restaurant. Sa among pag-abot na-amaze ko sa lugar kay dako kaayo ang sign sa gawas nga sure jud ko walay masaag kon moanhi dinhi. Dali kaayo siya makit-an nga lugar. Tayming sad dihang mibisita nag-ayo sila aron mabutangan og second floor ang ilang restaurant. Kon mobisita mo karon dinhi, duna na silay second floor aron mas daghan ilang ma-accommodate.

Si Shinjiro Takeishi, ang tag-iya niining Alice Garden Cafe, mitug-an nga inspired sa salidang “Alice and Wonderland” ang ngalan sa lugar. Ganahan siya nga ang mobisita ug mokaon dinhi malingaw, malipay ug mabusog inig gawas nila.

 

MGA PAGKAON

Ang among panihapon sa Alice Garden Cafe usa ka higayon diin among makahinabi ang among bag-ong higala nga si Glenn Abucay, usa ka Bisaya nga vlogger. Mo-graduate na siya karong Marso sa University of San Carlos sa kursong Marketing. Kauban nako ang mga blogger nga higala na usab nga sila si Sean, Hanna, Emelie ug Carlo.

Dihang nagsugod na og abot ang among mga pagkaon, natagbaw mi og pwesto aron matarong og posisyon ang mga pagkaon. Iyahay og angle basta nindot ang makuha. Ingon ani man gyod tingali ni ang kinabuhi sa blogger: mabusog sa pagkaon, malingaw og kutaw sa artistic eye aron ma-share niya sa iyang mga follower unsa ang iyang experience.

Ug mao kini ang among gipangkaon niadtong gabhiona:

Italian Salad with Caesar Dressing
Barbecue Set with Original Sauce
Seafood in Olive Oil Pasta
Tarako Pasta

Niining upat nga among nakaon, ang akong paborito mao ang Tarako Pasta. Seafood kini nga gikan sa mga fish eggs, squid rolls, ug nori. Lisod ni siya pangitaon maong kon makaari mo og Alice Garden Cafe, tilawi ang ilang Tarako Pasta.

Kauban ang tag-iya nga si Shinjiro Takeishi, nagpa-remembrance mi sa akong pagkaon.

Gawas niining mga pagkaona, aduna usab silay mga kape, ug cocktails aron maka-chill mo uban sa imong barkada. Intimate kining maong lugar maong nindot kon magpa-reserve mo daan ilabi na kon daghan mo nga mangaon dinhi.

Alang sa dugang kasayoran bahin sa Alice Garden Cafe and Resto Bar, tan-awa lamang ang ilang Facebook page ug contact sa (032) 414 5316.

Tagged as: , ,

Author: Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Motto: support local. Padayon!

7 thoughts on “Bisaya Food Trip: Alice Garden Cafe and Resto Bar”

  1. Mu ara gyud ko puhon kay naa silay seafoods.
    Nasuya gyud ko gatan-aw palang sa mga pictures.
    Unsay ma say nimo sa presyo? Okay ra?
    Madala ba na siya kung jeep ang sakyan?
    Unsa pud nga jeep ang dapat sakyan nga mu agi diha dapita?

  2. Mu ara gyud ko puhon kay naa silay seafoods.
    Nasuya gyud ko gatan-aw palang sa mga pictures.
    Unsay ma say nimo sa presyo? Okay ra?
    Madala ba na siya kung jeep ang sakyan?
    Unsa pud nga jeep ang dapat sakyan nga mu agi diha dapita?

  3. waahhh, lamia tan-awon sa seafood in olive oil pasta uy ug ang barbecue set… maka gutom… hopefully lami gyud ni sila sa tinud-anay. Lami naman gani sa picture 🙂 Affordable ra ni?

Leave a Reply

Your email address will not be published. Required fields are marked *