Nganong Walay “2 Cool 2 Be 4Gotten” sa Cebu?

(Disclaimer: This is written in Sugboanong Binisaya, the local language in Cebu. Similar to how #2Cool2Be4Gotten promotes its local Kapampangan roots, I blog also for the Bisaya audience using the language almost everyone ignores. But sige lang, padayon, Bisaya!)

Niadto pa lang Nobiyembre, gusto na gyod kong motan-aw og #2Cool2Be4Gotten apan layo kaayo ang Manila alang sa screening niini kay apil man kini sa Cinema One. Pagkahibawo nako nga dunay #2Cool2Be4Gotten nga nationwide screening, lipay na kaayo ko. Usa kini sa mga best films sa 2016 ug swerte na kaayo ang henerasyon karon nga makakita niining salida.

Apan human sa pila ka buwan nga excitement, nag-announce na sila sa mga sinehan nga screening sa unang adlaw sa showing nga March 15. Giatay, walay Cebu. Napugos kog research nganong wala naapil ang Cebu ug nganong walay SM kay I heard recently nga supportive na ang mga branches sa SM sa pag-promote sa atong mga local films bisan gikan sa gagmayng mga production (also called as indie films, but let’s avoid that term kay parehas ra man ni tanan mga salida).

Naunsa man sad ning MTRCB nga gihatagan man og rating nga R-18 ang #2Cool2Be4Gotten. Almost everyone behind the film is disappointed aning kabuang sa MTRCB. Homosexuality ang main theme niini nga salida apan walay bastos. Naa pa man gani ubang salida nga gihatag og ubos nga rating apan mas grabe nga violence ang giapil. Sa paghatag og R-18 rating, tabla ra nga gipatay sa MTRCB ang chance sa #2Cool2Be4Gotten nga mas makit-an sa mas daghang mga Pilipino.

Aware ko sa twist diin dili lamang kini usa ka ordinary homosexual movie apan dunay apil nga ginagmayng violence ug dark ang theme niini in general. Apan igo ba na nga rason nga makabaton kini og R-18 nga rating?

Oo, sakto ka, mao kini ang rason nganong walay Cebu sa pagka karon. Tungod kay R-18, automatic nga dili na gyod mi masalida sa tanang SM Cinema. Sayang kaayo ang chance apan unsa man ang atong mabuhat nga mao man ni ilang nasugdan nga kabuang. Injustice kaayo ning paghatag og R-18 rating nga ang theme niini is mainly acceptance and love.

Sa pagka karon, ang Ayala Center Cebu ug Robinsons Galleria Cebu unta mo-consider nga ipasalida kini, mga Bisaya. Kon sauna mibalibad sila nga walay motan-aw niinin salida nga taga-Cebu, nasayop sila. Daghang mga Bisaya ang naghuwat niini. Daghan kong mga amigo ug amiga nga kuyogon nako inig tan-aw ug excited usab sa pag-abot niini dinhi sa Sugbo.

Unsa man ang atong mabuhat aron ma-convince ni sila nga isalida ning #2Cool2Be4Gotten sa Sugbo bisan pipila lamang ka adlaw? For sure kon mo-decide ni sila nga ipasalida, dunay mga Bisaya dinhi sa Sugbo nga naghuwat ug andam moadto sa Ayala ba o Galleria karong weekend.

Mayta mausab ang hunahuna sa Ayala ug Galleria ug ilang ipasalida ang #2Cool2Be4Gotten dinhi sa Sugbo sa mosunod nga mga adlaw, mga Bisaya.

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

8 Comments on “Nganong Walay “2 Cool 2 Be 4Gotten” sa Cebu?”

  1. Haven’t seen the movie so I can’t say anything about its totality. But it sucks if it’s not shown kung kani nindot jud ipasalida to raise awareness and create a feeling of belonging. Well, let’s hope for the best!

  2. I have seen the trailer and it looks promising. The topic is a bit taboo but I think a lot of people has embraced that kind of theme. Will it have a successful run in the box-office, it won’t if it is not shown in the major markets. This flick could do well in film festivals abroad though.

  3. It’s a huge shame na an mga salida na homegrown nuon sa Pilipinas maoy pinaka-maglisud pa gyud ug gawas sa mga sinehan diri. Murag nindot gyud ang movie man sad gud, nindot kaayo itan-aw. Mayntag tagaan sad nila ug chance ba.

Leave a Reply

Your email address will not be published. Required fields are marked *